12 nyied 6 hauh, gaiq daihbet Gvangjsih fanh mbanj lanzgiuz doxdax gietsaiq youq Cenzcouh Yen haiguh, yienhciengz vunz lai vunz daih, heiqfaenh naemq raixcaix, vwnzyi yienjok caeuq doxdax hawj vunzlai yawj ndaej rimhoz. 6-8 hauh Gvangjsih daengx gih cibseiq aen doihlanzgiuz daj cibseiq aen si daeuj haenx doxcomz Cenzcouh， youq gietsaiq ndawde beijbuek haenqrem, ciengj aeu daeuzmingz.

（唐广东/Dangz Gvangjdungh）