Baez daengz ngoenz singhgiz, daxgoeng daxbuz ceiq angqyangz la! Aenvih gou moix ngoenz singhgiz cungj dauqma, caeuq gyoengqde caez gvaq ngoenz sim’ angq.

Baez roengz ci, gou couh bonghfafa cung ma ranz. Youq ndaw hongh, daxgoeng ing youq gwnz eijngauz dingq heiq. Gou laeglemx byaij gvaqbae, aeu faj fwngz iq goemq song da daxgoeng, “caicai gou dwg byawz？” “Haha，cawzle dahniq Yezyez gou, lij miz byawz ya？” Gou riuhaha, coemj haeuj rungj daxgoeng bae.

Daxgoeng nda daiz, riuhaha dwk naeuz：“Baujboiq, gvaqdaeuj beijbeij!” Moix baez gou ma ranzcoj, cungj caeuq daxgoeng guhcaemz —— begfwngz. Neix dwg seiz angqyangz dou. Dou gietdingh: Beg sam baez hingz song baez suenq hingz. Daxbuz daj ndaw ranzsaeuq byaij okdaeuj, naeuz：“Daeuj daeuj daeuj, gou yawjyawj bouxlawz engqgya ak.”

Daxbuz baez fatlingh, dou hainduj doxdax lo. Daxgoeng fajfwngz hung gaem fwngz iqetet gou ndaetfwd bae, gou haeb heuj, maenj rengz, roengzrengz gaemh fwngz daxgoeng dauqlaj, fajnaj iq gou maenj ndaej hoengzww. Daxgoeng itmienh nyaeuq najbyak, itmienh hemq:“Aiyo, Yezyez rengz youh beij baezgonq engqgya hung la! Daxgoeng yaek dingj mbouj ndaej la!” Dingq daxgoeng baenzneix hemq, gou baez haeb heuj, caiq gya di rengz, haha, fwngz daxgoeng deng gou gaemh roengz gwnz daiz lo, gou youh hingz lo! Gou angq dwk youh diuq youh rongx! Daxbuz riunyumnyum naeuz：“Aiyo, mwngz laux neix beij mbouj gvaq Yezyez lo! Vaiq fug saw ba!” Daxgoeng cix riuhoho, naeuz：“Laux lo, laux lo, Yezyez majhung lo!”

Gou gyaez caeuq daxgoeng daxbuz guhdoih, aenvih gou angqyangz raixcaix, vuenyungz dangqma!

幸福的时光

一到周末，爷爷奶奶最开心啦！因为周末我都会回家，和他们度过愉快的时光。

一下车，我飞快地冲进院子里。小院里，爷爷躺在摇椅上听戏。我悄悄走过去，用手快速盖住爷爷的双眼，“猜猜我是谁？”“哈哈，除了我家小玥玥还有谁呀？”我哈哈大笑，扑到爷爷的怀里。

爷爷摆好桌子笑呵呵地说：“宝宝，过来比一比!”每次我回老家，都会和爷爷玩掰手腕的游戏，这是我们的欢乐时光。游戏规则是三局两胜。奶奶从屋里走出来，说：“来来来，我看看谁更厉害。”

奶奶一声令下，紧张的比赛开始了。爷爷大大的手紧握着我小小的手，我咬紧牙，憋足劲，使劲往下压，小脸涨得通红。爷爷一边皱着眉头，一边说：“哎哟，玥玥这次力气又比上次更大啦！爷爷快坚持不住啦！”听到爷爷这么说，我一咬牙再加一把劲，哈哈，爷爷的手被我扳到了，我赢了！我又跳又叫！奶奶说：“哎哟，老头比不过我们玥玥咯!要认输咯！”爷爷乐呵呵笑了，说：“老咯，老咯，玥玥长大咯！”

我喜欢和爷爷奶奶在一起，因为我觉得很快乐，很幸福！

（lauxsae son raiz： Veiz Sezhungz / 指导老师：韦雪红）