Ngoenz singhgiz haetcaeux, gou byaij diuz roen suijniz gvangqlangh, dingq roeg iq ciengq go, nyouq gij heiqhom vahaeux, byaij bae aen vwnzvasiz gyang mbanj.

Daeuj daengz vwnzvasiz, cunh cihsuh gaenq haidou lo. Gou byaij daengz baihnaj gvihsaw, yawj gij saw baenz baiz baenz baiz haenx, genj bonjsaw《Sam Guek Yenjyi》, daengz henz cueng naengh roengzdaeuj bienj saw yawj.

Moix baez daengz couhmoz, gou cungj daeuj vwnzvasiz ndaw mbanj yawjsaw. Youq gizneix, gou yawj le 《Sam Guek Yenjyi》《Danghnaeuz Hawj Gou Da’ndongq Sam Ngoenz》 《Dah Hagseng Gyaj Meiz》……

《Sam Guek Yenjyi》 caenlili lwnhgangj aen gojgaeq raezrangrang ciuhgonq, hawj gou daj ndawde ndaejrox Vei、Suj、Vuz sam guek gij ginhswh、cwngci doxdwk doxdaeuq luenhlab fukcab haenx. Gou boiqfug Cuhgoz Lieng uk gvai banhfap lai, Cangh Feih sim co cix youh saeq, Gvanh Yij ak hoenxciengq, Cauz Cauh geiqmaeuz lai, Couh Yiz dahoengz boux miz caiz. Danghnaeuz itdingh aeu youq ndaw Sam Guek genj boux maenh’ak ndeu, gou genj Cauz Cauh. Cauz Cauh yungh boux miz dungxcaiz, hanhhaed boux manzak, gyoeb gaem gienzlig; youq baihbaek, de cujciz ndaem naz, hwngguh suijli. Gij guhfap de hawj sevei ginghci dieg de gaemguenj haenx ndaej daengz itdingh hoizfuk caeuq fazcanj. De rox bingfap, ak raiz suhfaz, ceiq rox raiz sei. Gou boiqfug de dwg boux yinghyungz ndeu, boux yinghyungz dungx miz caiz ndeu.

Yawj《Danghnaeuz Hawj Gou Da’ndongq Sam Ngoenz》, gij cingsaenz boux cozgyah Haijlwnz hawj gou saenqdoengh dangqmaz! Aen gojgaeq Haijlwnz mboujdanh hawj gou roxnyinh da’ndongq caeuq damengz miz maz mbouj doengz, lij hawj gou rox mboujguenj guh maz saeh, couhcinj dwg damengz, hix gaej doeknaiq nueknuek, aeu insik sengmingh, bungz daengz sinhoj dwgrengz cungj gaej lau.

《Dah Hagseng Gyaj Meiz》 hix hawj gou gyaez dahraix. Gyaj Meiz dwg dah hagseng simsoh ndeigyaez、 maenh gangj maenh riu ndeu. Dah lwgnyez doeg cuhcungh gig bingzciengz neix, cix caeuq gyoengq doih daeggo de guhdoih, yienj ok aen goj ndaw hagdangz mizyinx ndeu.

Ranzsaw ndaw mbanj hawj gou youq ndaw seiqgyaiq bonj saw roxnyinh ancingh caeuq gyaeundei, hawj gou youq ndaw haijyangz cihsiz youzlangh, caeuq gak boux conhgyah mizmingz gangjgoj. Vwnzvasiz hawj gou seiziq raeujrubrub, hawj sim gou seuqcingh.

文化室温暖了我的童年

周末的清晨，我踩着宽阔的水泥路，听着小鸟的歌声，闻着稻花香，向村中心的文化室走去。

来到文化室，村支书已经开门了。我走到书架前，看着一排一排的书，挑了一本《三国演义》，找了一个靠窗的位置坐下看起来……

每到周末，我都会在村文化室享受我的阅读时光。在这里，我看了《三国演义》《假如给我三天光明》《女生贾梅》……

《三国演义》生动活现地演绎了一个长长的历史故事，也让我从中了解到了魏、蜀、吴三国之间的错综复杂的军事、政治斗争。我感叹诸葛亮的神机妙算，张飞的粗中有细，关羽的骁勇善战，曹操的足智多谋，周瑜的嫉贤妒能。如果一定要在三国中选一个英雄人物，我给曹操投一票。曹操用人唯才，抑制豪强，加强集权；在北方屯田，兴修水利。他的诸种举措使统治地区的社会经济得到一定的恢复和发展。他知兵法，工书法，擅诗歌。我敬佩他是一个英雄，一位才华横溢的英雄。

阅读《假如给我三天光明》，我的心灵被作家海伦的精神深深地震撼！海伦的故事不但让我明白了光明和黑暗的区别，而且让我明白了无论做什么事，失去任何东西，都不要沮丧，要珍惜生命，在困难面前永不退缩。

《女生贾梅》也让我爱不释手。贾梅是一个心地善良、天真活泼的女孩。这个平凡而又普通的初中女生，却和她哥哥的伙伴们一起，演绎出一段丰富多彩的校园故事。

村文化室让我在书的世界中感受安静与美好，在知识的海洋中驰骋，与各大名家进行心灵的交流。文化室温暖了我的童年，净化了我的心灵。

（lauxsae son raiz：Cinz Cinhdonz / 指导老师：覃珍团）