Ngoenzneix, dou yaek bae youzhag la! Gou angqbwngbwng hwnj banci bae. Aen banci youq gwnz loh hai menhnyednyed, gou caen maqmuengh banci ndaej bienqbaenz gyaq feihgih ndeu sikhaek mbin daengz dieg youzhag bae.

Dou camh daih’it daeuj daengz Gveigangj Bozvuzgvanj. Youq ndaw bozvuzgvanj, dou yawjraen doengzleij、mohgeq ciuhgonq, lij raen gij buhvaq boux ciuhgeq daenj haenx dem.

Camh daihngeih daeuj daengz gizdieg Dungh- cinh Singjsae. Youq gizneix, dou yawjraen haujlai saeceij cungjloih mbouj doxdoengz, miz duzsae Liuz Bei、 duzsae Gvanh Yij、 duzsae Cangh Feih, gou fatyienh gij yienghsiengq gyoengqde cungj mbouj ityiengh. Dahcej gangjgej lwnh dou, duz saeceij dwg baenzlawz bienqvaq gvaqdaeuj, doeklaeng dou lij yawj longh saeceij dem.

Ciepdwk dou daeuj daengz “Suenangq Lwgnyez”, gyoengq doengzhag cungj angq raixcaix! Dou sien bonghhuhu cung bae bungqcongz diuq, diuq ha diuq, caen ndei guhcaemz dahraix! Dou youh daeuj daengz hajsaek vadlae, dou daj gwnzdingj vadlae nod roengzdaeuj lumj mbin nei! Dangqnaj vadlae couh dwg suen duzyiengz lo, dou aeu lauxbaeg hoengz bae gueng duz yiengziq, duz yiengziq lij biq myaiz hawj boux doengzhag ndeu dem, geijlai ndeiriu ha! Ceiq gvaqyinx couh dwg youq suen “duz mou iq vaiq buet” gyaep mou iq. Ngamq hainduj, dou youq gwnz diegnywj gyaep duz mou iq buet, doeklaeng cix bienqbaenz duz mou gyaep dou bongh lo. Youq ndaw suen angqyangz neix dauqcawq dwg sing riu dou!

Camh ceiq doeklaeng dou daeuj daengz Vangz Danenz Canjgvanj. Youq gizneix, dou roxnaj digiuz vuzlij yozgyah Vangz Danenz. Dou rox aen dauhleix majhung le aeu lumj de nei gyaez guekcoj, bauqdap guekcoj.

Youzhag sat le, dou naengh banci baema lo. Ngoenzneix youzhag geijlai mizyinx, geijlai miz eiqngeih ha!

难忘的研学之旅

今天，我们要去研学啦！我怀着激动的心情上了车。汽车在路上慢悠悠地前进，我真希望汽车能变成一架飞机立刻飞到研学地。

我们第一站来到贵港博物馆。在博物馆里，我们见到了古代的铜币、古墓，还有古代人穿的服饰。

第二站我们来到了东津醒狮基地。在这里，我们见到不同种类的狮子，有刘备狮、关羽狮、张飞狮，我发现他们的样子都不一样。讲解员大姐姐告诉我们瑞狮的演变过程，我们最后还观看了精彩的舞狮表演。

参观结束，我们来到了“冲仔乐园”，同学们可高兴啦！我们先冲向蹦床，蹦呀跳呀，真是太好玩啦！然后又来到五彩滑梯，我们兴奋地从滑梯上“飞”下来！五彩滑梯的对面围养着羊驼，我们拿红萝卜喂小羊驼，小羊驼还向一个同学吐了口水，真是太好笑啦！最好玩的就是“小猪快跑”了。我们在乐园的草坪上追着小猪跑，后来却变成小猪追着我们跑。游乐场里充满我们的欢笑声！

最后一站我们来到了黄大年展馆。在这里，我们认识了地球物理学家黄大年。我们知道，长大后要像他一样热爱祖国，报效祖国。

参观结束，我们坐上了回家的车。今天的研学太有意义了！

（lauxsae son raiz：Veiz Caijfangh / 指导老师：韦彩芳）