“Byaij youq gwnz roen iq lajmbanj, duzcwz banhaemh ma ranz dwg doengzdoih gou……” Ciengzciengz youq gwnz ci dax- boh dingq daengz souj go neix, hix dingq daxmeh nam gvaq, fuk doz ndaw uk gou naemj haenx dwg banhaemh miz haujlai haujlai cwz baenz baiz baenz baiz byaij loh ma riengh ……

Dwg ha, neix cij dwg gij yiengh gou siengj okdaeuj. Caiq baez byaij youq gwnz diuz roen dauqma ranzcoj, yawjraen baihnaj dwg diuz loh suijniz gvangqlangh, song mbiengj ndaem gofaex cingjcingj caezcaez, song mbiengj lohdaeng daengjcwd ndwn youq, nditrongh cingq daj baihsae ciuq gvaqdaeuj, ingj ndaej nazhaeux henz loh henjrwgrwg. Daxboh lwnh gou nyi, haujlai bi gaxgonq, moix ngoenz de bae langh vaiz cungj aeu byaij diuz roen neix, baez daengz fwndoek, gwnz loh mbaepmbaep daeddaed, cijaeu miz ci hai gvaq, couh aeu ndoj deuz gyae’ gyae bae, mboujne couh deng raemx- boengz sinz rim ndang uqnyagnyag. Mbwn laep le mbouj miz daeng hix mbouj gamj byaij diuz loh neix, heiqlau fadlaemx haeuj ndaw caz oen henz roen bae. Seizneix ndei lai lo, lohdaeng ronghsag rongh diuzloh baema. Byaij daengz bakmbanj, gou yawjraen giz- dieg bouxlaux hozdung doenghyiengh guh- caemz gig caezcienz, gyoengq daxgoeng daxbuz cingq lienh ndangdaej, gwnz naj riunyumj vuenyungz, ndaw rij liz dieg bouxlaux guhcaemz mbouj gyae haenx, gyoengq baengzyoux iq gaeb bya、saj raemx, sing riu angqyangz baenz raq baenz raq cienz gvaqdaeuj.

Lingh mbiengj dwg vwnzva cungsim ndaw mbanj, ndawde langhbaij gij vwnzva ndaw mbanj cienzswnj caeuq hwngfat haenx, linghvaih lijmiz fungh ranz yawjsaw ndeu hawj daihgya yawjsaw. Vwnzva cungsim miz aen lanzgiuzcangz ndeu, bingzciengz daihgya cungj gyaez bae gizde dwk lanzgiuz、bingh- banghgiuz, gwnz dingj giuzcangz gang naengdiet dem, ngoenznaengz mboujlwnh rumz ci fwn doek, cungj mbouj nguh daihgya yindung. Bungz daengz gvaq ciet, banhaemh lij ndaej mienxfeiq hawj daihgya yawj vwnzyi vanjvei dem, hawj gyoengqvunz demgya haujlai yinxdaeuz. Daxboh raen gou yawj ndaej haeujmaez, couh lwnh gij goj mbanj- ranz hawj gou：Geij bi gonq, gizneix lij dwg diegnya hoengqhathat ndeu, mboujmiz giuzcangz mbouj miz daizheiq, gyoengqvunz ndaejhoengq cix dwg dwkbej、gangjgoj, dingzlai vunzmbanj cungj dwg bae rog ra hong guh, louz youq ndaw mbanj dingzlai vunz cungj dwg bouxgeq, cawzle ok dou guhhong, couh mbouj miz gijmaz hozdung wnq lo, hix mbouj siengj lienh ndangdaej. Geij bi neix, mbangj vunz ma mbanjranz cauhnieb, boux fouq gonq daiq boux caengz fouq, haujlai vunzmbanj youq henz ranz couh ra ndaej faenh hong daeuj guh, ndaej buenx lwgnyez youh ndaej ra cienz, ndaw mbanj hix nauhyied haujhai lo. Baengh gij cwngcwz ndei aen Dangj, mbanjranz gou bienq lumj mbwn fan deih boek, saedceij vunzmbanj yied gvaq yied ndei lo.

Yamq haeuj dou ranz, daxbuz sikhaek dawz maenzndengj caeuq fwedgaeq iengj rangfwdfwd gou gyaez gwn haenx okdaeuj. Daxbuz riunyumnyum dwk naeuz:“Dingqnyi naeuz sou yaek dauqma ranz, daxgoeng caeuxlinlin couh ok haw cawx maenzndengj caeuq fwedgaeq dauqma lo, aeu gunghgi cagoh ngamq cawx ma haenx daeuj guh gijgwn neix, sou daeuj cimzcimz!” Gou caeuq daegnuengx caj mbouj gib dwk gwn hwnjdaeuj, caen feih ha.

Neix couh dwg mbanjranz gou, mbanj- ranz gwj daeuj gwj gyaeundei fouqmiz. Gou seizneix aeu ndeindei hagsib, caj gou maj- hung le, gou aeu yungh bonjsaeh hag ndaej haenx, hawj mbanjranz gou bienq ndaej engqgya ronghsak、engqgya ndei.

家乡新面貌

“走在乡间的小路上，暮归的老牛是我同伴……”常常在爸爸车上听到这首歌，也听妈妈哼过，我想象中的场景是黄昏很多很多的黄牛一排排走路回栏……

是的，这只是我想象中的画面。再次走在老家的路上，眼前看到的是一条宽广的水泥路，两边整齐地种着风景树，两排路灯齐刷刷地立着，抬头一望，阳光正好从西边射下光芒，映着路边稻谷黄澄澄的。爸爸告诉我，很多年前，这条就是他每天放牛的必经之路，一到下雨天，坑洼的路面就积水，只要有车辆经过，就要躲得远远的，不然就会被泥水溅一身，天黑之后没有电筒是不敢走这条路的，生怕摔进路边带刺的草丛里。现在好了，明亮的路灯照着回家的路。走到村口的时候，我看到设施齐全的老人活动中心，一些大爷大妈正在锻炼身体，脸上挂着幸福的笑容，小朋友们正在不远处的小溪里捉鱼、玩水，欢快的笑声一阵阵地传来。

另一边就是村里的文化中心，里面展示了村文化的传承与发展，另外还有一个阅览室供大家阅读。文化中心还有一个篮球场，平时大伙都喜欢去那里打篮球、乒乓球，球场顶上盖着铁皮，不论刮风下雨，都影响不到喜欢运动的人，逢年过节的晚上，还能在这里免费给村民欣赏一场文艺演出，给大家增添了许多乐趣。爸爸见我看得入神，便给我讲起了家乡的故事：几年前，这里还只是一片空旷的草地，没有球场没有舞台，人们的娱乐只是打牌、闲聊，大多村民都外出打工，留在村里的大多都是老人，除了出门劳作，就没有别的活动了，也不会想着要锻炼身体。这几年，人们纷纷回乡创业，先富的带动后富的，好多村民在家门口就能有一份工作，既能陪伴孩子又能赚钱，村里也热闹了许多。依靠党的好政策，我的家乡发生了翻天覆地的变化，村民的日子过得越来越好了。

走进家门，奶奶马上端来我爱吃的烤鸡翅和薯条。奶奶笑着说：“听说你们回来，爷爷一大早就上街买了新鲜的鸡翅和薯条，用新买的空气炸锅做出来，你们尝尝！”我和弟弟迫不及待地吃起来，真是美味极了。

这就是我的家乡，越来越美丽越来越富有的家乡。现在的我，要好好学习，等我长大后，我要用学到的本领，使我的家乡变得更加辉煌、灿烂。

（lauxsae son raiz：Veiz Lanzmei / 指导老师：韦兰妹）