10 nyied 19 hauh, Hozciz Si Lozcwngz Mulaujcuz Swciyen Gyauzsan Yangh guh gaiq daih’it hozdung lijyouz vwnzva baiqfug sienhsoh, hungzyangz gij vwnzva maenhndei, caez laeb aen yangh huzndei. Youq ndaw hozdung, ngeihcib lai bouxguhyiengh baiqfug sienhsoh ndaej byaujcangh, gyoengqde youq gingqlaux gyaezcaen、gyaez bang vunz、gyaezgangj gingqnieb daengj fuengmienh guh ndaej ndei. Dangciengz lij cuengq gij sibinz saeh ndei gyoengqde, cienz gij rengzcingq baiqfug daudwz coh sienh, biujyienj vwnzyi cezmuz, hungzyangz gij vwnzva maenhndei, dazyinx gyoengqvunz caez hwnq aen yangh sienhndei、 huzndei ndeu.

（韦如代 / Veiz Yuzdai）