10 nyied 17 hauh, Gveilinz Si Vanhdenz Yauzcuz Yangh guh hoz- dung angqhoh laebbaenz 40 hopbi. Ngoenzde Gveilinz Si aen donz lwnhgangj gij cingsaenz aen hoih haenh minzcuz doxgiet baenaj daengx guek caemh youq gizde guh hozdung lwnhgangj ciengz daih’it.

Cai Yauz bouxcangzveij、fu gihcangj Gveilinz Si Siengsanh Gih- veij dwg bouxlwnhgangj hixdwg bouxdaibyauj cizdij guhyiengh minz- cuz doxgiet baenaj daengx guek, de ndaej bae Baekging hai hoih, caemhcaiq guh bouxdaibyauj cizdij guhyiengh youq gwnz hoih gangjvah. De gangj le gij sinhdwz dijvei camgya aen hoih, lij geqgangj gij gingniemh hong minzcuz Siengsanh Gih. Banh Baujyiz dwg bouxlwnhgangj, bouxguh- yiengh minzcuz doxgiet baenaj daengx guek、vunzmbanj Lungzswng Gak Cuz Swciyen Mbanjdacai, de caemh faen- yiengj gij dijvei camgya aen hoih, gaisau de dazyinx gak cuz ginzcung Mbanjdacai baujhoh nazmbaeklae、hwngfat aenmbanj, dazyinx gyoengq- vunz duetgungz baenzfouq. Gij goj neix gig gamjdoengh simvunz. Dai Veijbungz bouxdonzcangj daibyauj- donz, boux dangjcuj suhgi、bouxcujyin Gveilinz Si Minzcunghveij lwnh le gij cingsaenz gangjvah youqgaenj Siz Ginbingz cungjsuhgi youq gwnz hoih haenh minzcuz doxgiet baenaj daengx guek gangj haenx. Bak lai boux gak cuz ganbu ginzcung camgya le hozdung, cungj naeuz aeu hag ndei gij cingsaenz aen hoih, ciengj guh bouxguhyiengh.

Bineix 10 nyied daengz 12 nyied, aen donzlwnhgangj neix yaek laeb- daeb bae daengz gak aen yanghcin lwnhgangj, gujli daihgya hag bouxak, daiqdoengh engq lai danhvei、engq lai vunz gaenxmaenx guh hong minzcuz doxgiet baenaj, doxcaez hwnqguh aen gungdungzdij Cunghvaz Minzcuz, henhoh aen daihbuenz ndei “Cungh- vaz Minzcuz ranz vunz ndeu”, doidoengh hong minzcuz doxgiet baenaj daengx si hwngfat youh ndei youh vaiq.

（daj Swcigih Minzcunghveij aeu）