Gyafung ndei, yingjyangj daih dem daih vunz majhung, gungganq le lwglwg lanlan Cunghvaz Minzcuz. Gou caen angq, bohmeh gou cauh gyafung ndei hawj gou.

Hauqswnh, dwg aen gyafung ndei ranz gou. Gangj daengz hauqswnh, couh aeu daj daxmeh gou gangj hwnj.Goengda gou nienzgeij geq lo, dinfwngz youh mbouj fuengbienh, dou baeznaengz gvaq ciet cungj aeu ma ranz goengda, baeznaengz ma ranz goengda, daxmeh cungj cawx lwgmak caeuq doxgaiq bouj yingzyangj hawj goengda. Baez daengz ranz, daxmeh cuengq doxgaiq le, doq hainduj nyaengq hwnjdaeuj lo——Bang goengda saeg buhvaq、baet ranz uet dibanj. Ciep roengzdaeuj couh dwg cawj daiz haeux byaek rangfwtfwt he hawj goengda gwn, seiz gwn haeux- ngaiz, daxmeh doq nip gij byaek goengda maij gwn haenx hawj de, doq daengq goengda menhmenh gwn. Raen daxmeh yienghneix guh, gou hix hag rox baenzlawz hauqswnh bouxlaux, baeznaengz riengz daxmeh ma ranz goengda, gou couh naengh youq henz goengda itmienh dingq de gangjgoj, itmienh dub laeng hwet、 nyaenj din、 swiq din hawj de.

Gaenxguh mbaetyungh, hix dwg aen gyafung ndei ranz gou. Geiqndaej mwh gou ngamq ndaej haj bi, ngoenz ndeu gwn ngaiz, gou daek gij haeuxngaiz rimrwdrwd, doeklaeng gwn mbouj liux. Seiz gou yaek dawz bae boek ndaw doengjmou, daxgoeng doiq gou naeuz:“Dahlan gou, mwngz mbouj ndaej yienghneix bw! Naed- naed haeuxgwn cungj dwg bouxguhnaz hanh lae hanh roenx cij vuenh ndaej daeuj bw, mbouj insik haeuxgwn dwg cungj sibgvenq rwix ndeu! Mwngz aeu hag rox insik haeuxgwn ha!”Gij vah hozraez sim’unq daxgoeng hawj gou rox daengz“byawz rox ngaiz ndaw vanj, naednaed hanh giet baenz” gij hamzeiq coenz sei neix, hix roxnyinh bohmeh guhhong gig dwgrengz lo. Daj seizde hwnj gou caiq hix mbouj luenh sai haeuxgwn lo, guh baenz aen sibgvenq ndei seizseiz insik haeuxgwn.

Gyafung ndei buenx gou hungmaj majndei. De dwg aen daeng ndeu, ciuq rongh diuz roen baihnaj gou; de dwg diuz roen ndeu, yinx gou byaij coh ronghsag.

好家风伴我健康成长

良好的家风，影响着一代代人的成长，哺育着一代代中华儿女。我很庆幸，我的父母为我创造了良好的家风。

孝顺，是我家的家风之一。说到孝顺，就要从我妈妈说起。外公岁数大了，腿脚不方便，我们每次过节的时候都会回外公家，每次回去都会带一些水果和营养品。到家放下东西，妈妈就开始忙起来了，给外公洗衣物、扫地拖地板，然后做一桌美味的饭菜给外公吃。吃饭时，妈妈一边不停地给外公夹他喜欢吃的菜，一边叮嘱他慢慢吃。在妈妈的影响下，我学会了孝顺长辈，每次跟随妈妈回外公家，我便坐在外公身边，边听他讲故事，边给他捶背，或者给他捏捏脚、洗洗脚。

勤俭节约，也是我家的规矩。记得在我5岁那年，有一次，我打饭打得太多了，结果吃不完。正当我准备拿去倒掉时,爷爷对我说：“我的孙女呀，你可不能这样做！每一粒米都是农民伯伯辛辛苦苦用汗水换来的，不珍惜粮食是一种恶习！你一定要珍惜粮食呀！”爷爷语重心长的话语让我明白了“谁知盘中餐，粒粒皆辛苦”那句诗的真正含义，同时也体会到了父母工作的辛苦。从此，我便养成了珍惜粮食的好习惯。

良好的家风伴随着我健康成长。它是一盏灯，照亮着我前进；它是一条路，指引着我走向光明。

（lauxsae son raiz: Lij Conh- hungz /指导老师：李专红）