Mbangj guek re mbouj maenh,Mbangj guek gaemh mbouj roengz,Vunzlai cix doekhoenz,Ngoenz gouz mbwn baujyouh.Dangj raeuz in lwgminz,Causim dingj binghraq,Baihgwnz daengz baihlaj,Lengqlengq cah ndeindei.Cungh Nanzsanh yensw,Gwq guh gwq roengzrengz,Caux guhfap cingqdeng,Doihengz coh daengx guek.Fung singz youh fung roen,Mbaekmbaek roengz gimqlingh,Hoh sengmingh beksingq,Gaemhanh bingh lah vunz.Ranzranz daengq gvaqdoh,Bouxboux naeuz rox caez,Caenhliengh gaej luenh bae,Re’ndang ndei youqgaenj.Sevei cujyi ndei,Bouxboux caez hengzdoengh,Ganbu nem ginzcung,Cungj dingq dangj anbaiz.Mbouj hawj biengz dem luenh,Mbouj guh duengh baihlaeng,Caez sim guh ndaej baenz,Binghdoeg laengz ndaej youq.7. Byawz Cungj Laengz Mbouj

NdaejYouh bungz rumzcin ma,Seiqlengq va hoengzoq,Yamq haeuj seizdaih moq,Guekcoj engq baenz ndei.Dangjcunghyangh ciuhneix,Ceih guek ceiq nyinhcaen,Moeb guk moeb nengznyaen,Cingqcaen guh oknaj.（36）