Gaenh geij ngoenz neix, Liujcouh Si Yungzsuij Myauzcuz Swciyen Minzcunghgiz youq Anhdai Yangh Mbanjbeizsiu hai ban sonlienh soujgunghyez minzcuz yungzhab cauhmoq hwngfat. Hajcib lai boux mehsiuq Mbanjmyauz hag gij gisuz cauhmoq caeuq dinfwngz siuqva cienzdoengj Myauzcuz，vih baihlaeng youq ranz couhnieb lai demsou daj ndei giekdaej. Gaenh geij bi neix daeuj, Yungzsuij laebdaeb hai ban sonlienh siuqva、nyumxlab Myauzcuz daengj soujgunghyez minzcuz, mboujdanh doidoengh soujgunghyez minzcuz caeuq vwnzva、lijyouz doxyungz hwngfat, lij hawj mehmbwk gak cuz miz hong guh、ndaej demsou.

(龙 涛/Lungz Dauh)