8 nyied 13 hauh, Nanzningz Si Vujmingz Gih cujciz dangjveij dungjcan veijyenz gak cin、boux segih suhgi ndaw diegguenj gungh seiqcib vunz, hai aen hoih lwnhgangj aeu gihcwngz segih haeujlaeg doicaenh gij hong hwnqguh aen gih guhyiengh couqmaenh gij eiqsik caezcaemh Cunghvaz Minzcuz.

Aen hoih daegdaengq gangj daengz, gak cin gak segih aeu laebdaeb haeujlaeg hagsib gvancez gij iugouz youqgaenj gven daengz hong Gvangjsih Siz Ginbingz cungjsuhgi gangj haenx, nyinh daengz aeu gihcwngz segih bae haeujlaeg doi- caenh gij hong hwnqguh aen gih guhyiengh couqmaenh gij eiqsik caezcaemh Cunghvaz Minzcuz, ndaej damqra gij cwngcwz guh hong minzcuz seizdaih moq aen Dangj, dwg aen rap naek seizdaih mbouj ndaej doi ndeu, bietdingh aeu gaem cinj gij muzbyauh yinvu、iugouz gidij guh ndei hong hwnqguh. Aeu gag rox nyinhcaen cingjleix cingjhab gij swhyenz gwnz- biengz, aeu dangjgen dazyinx、sevei boiqhab、vunzlai caez guh caeuxguh aen gihci boiqhab caez ceih ndeu, giklix lai fueng swhyenz doidoengh segih guhbaenz aen daihbuenz caez guh、caez ceih、caez yungh moqsak ndeu, aeu gaiqdap lai yiengh hwnq- guh aen gih guhyiengh. Aeu rox cungjgez daezlienh diemjrongh daeg- saek, giethab gij saedsaeh segih, ra giz daemx、giz fatrengz, gangj ndei gij goj segih minzcuz doxgiet ndei, mboujduenh aeu gihcwngz segih bae haeujlaeg doicaenh gij hong hwnqguh aen gih guhyiengh couqmaenh gij eiqsik caezcaemh Cunghvaz Minz- cuz.

（张 荧/Cangh Yingz）