8 nyied 9 hauh, Hozciz Si Lozcwngz Mulaujcuz Swciyen Denhhoz Cin Mbanjcangcauz guh cunh gaep cizdij ginghci souik faenhoengz. Laebdaeb geij ngoenz doxdaeuj, aen yienh neix gungh miz 27 aen gujfwn ginghci lenzhozse cingjhab gij souik gietyawz doenghbaez laebdaeb hawj vunzmbanj fat faenhoengz. Daengz 8 nyied 8 hauh, aen yienh neix gaenq fat le 202.31 fanh maenz faenhoengz. Gaenh geij bi doxdaeuj, yienh de genhciz roengzrengz aeu dangjgen coi cunh gaep cizdij ginghci, gaenxmaenx hwngfat cunh gaep cizdij ginghci, cienzmienh doihaeuj lajmbanj saenqhwng. Gyoengqde genhciz dangjcihbu dazyinx、dieggiek caeuq hozcozse daiqdoengh、dangjyenz ginzcung dox baedauq, guh hoengh aen dieggiek makbug、youzcaz、faexcukmaz、raetmoegngaex daengj, caenhrengz doidoengh cunh gaep cizdij ginghci mboujduenh hwngfat guhhung.

（吴婉诗/Vuz Vanjsih 吴俊誉/Vuz Cinyi）