8 nyied 7 hauh, Vuzcouh Si Cangzcouh Gih Minzcungh Giz lienzhab Gunghsanghlenz hai hoih lwnhgangj hwnqguh aen gih guhyiengh couqmaenh gij eiqsik caezcaemh Cunghvaz Minzcuz. Doengh boux feihgungh ginghci、boux minzyingz giyez Cangzcouh Gih gungh seiqcib lai vunz camgya aen hoih.

Aen hoih hopndaet aen cungj muzbyauh “Cunghvaz Minzcuz ranz vunz ndeu, doengzsim saedyienh loqsiengj Cungguek”, gaenjgaenj hop- heux caezcaemh doxgiet buekguh、caezcaemh mwnhoengh hwngfat caeuq “cibngeih aen itdingh”、gensez “haj aen ranzmbanj” Siz Ginbingz cungj- suhgi daezok haenx, haeujlaeg lwnh- gangj le gij eiqsei youqgaenj caeuq neiyungz laeg couqmaenh gij eiqsik caezcaemh Cunghvaz Minzcuz. Aen hoih caemhcaiq giethab saedsaeh Cangzcouh Gih, gyagiengz senhconz gyauyuz, hawj vunzlai gak cuz engq rox guek raeuz dwg aen guekgya lai aen minzcuz dungjyiz ndeu, engq rox gij Majgwzswh cujyi guekgya gvanh、minzcuz gvanh、cunghgyau gvanh、 vwnzva gvanh, hawj“sam aen liz mbouj ndaej”“haj aen nyinhdoengz”engq haeuj sim vunz, coihaeuj gak minzcuz lumj vaed lwgloux nei got youq itheij ndaetndaet bae.

Daihgya cungj naeuz, yaek baengh baez hoih neix, gaenxmaenx hengzdoengh, okrengz doidoengh hwngfat ginghci caeuq minzcuz doxgiet baenaj Cangzcouh Gih.

（陈 桃/Cinz Dauz）