Dwkfanj（镇压反革命） aeu ndaej hingz,Lwgminz comz ndaetndwt,Dangj ceihguek rengzrwd,Guh hoenghhwd gwnzbiengz.Guh “sam fanj” “haj fanj”,Dangjginz caemh diuzsim,Daengx guek caez doenghning,Laeb yinzminz gunghse.Bungz sam bi gunnanz,Doengzcaez ram gvaqdaeuj,Ngoenz boux geij liengx haeux,

Doxcaeuq dingj diencai（天灾）.Roengzrengz “guh sam sienq”（三线建设）,Gaijbienq yiengh doeklaeng,Gunghyez hung guhbaenz,Gitgaz laengz mbouj youq.Sizyangz （昔阳） noix gaiq gwn,Gyoengqvunz bae buek guh,Dacai（大寨） Dangjcihbu,Gaij dieg guh reihnaz.Miz nanz dox bangcoengh,Leiz Fungh cingsaenz ndei,Dangj heuh vunzlai ei,Daengx biengz caez raeujrub.2. Diegguek Hen Ndaej MaenhGunghozgoz laebbaenz,Gaeq haen coux ranzrongh,Daengngoenz hwnj ciemh ndongq,Ciuq rongh daengx lajmbwn.Vunzrwix lau mwngz ak,Vunzyak lau mwngz baenz,Cien fueng bak geiq laengz,Mbouj hawj mwngz baenaj.Meijgoz gok ceiq raez,De gyaez byah guekwnq,Lau raeuz guh ndaej hwnj,De mwnqmwnq cap bing.Comz bing haeuj Cauzsenj,Feiz remj naj bakdou,Gukyak yaek dawz mou,Itdingh aeu hen gvaengh.Daihbuek ceiqnyienhbing (ciyenginh),Hamj din Yazluzgyangh,Hen guek hen ranzmbanj,Dangj “Bing Lenzhozgoz”.（31）