Seizgan bae ndaej vaiq, ndwen- ngoenz bae lumj mbin, gij ndwenngoenz siujyoz gou couh yaek sat lo. Dauqngeix roek bi ndwenngoenz de, doenghgij saeh hung saeh iq ndaw hag cungj dauq dwk ndaw sim, ngeix bae naemj dauq. Doenghgij ngeixsiengj ndei neix lumj- baenz aen ndaundeiq ronghlwenq nei youq ndaw uk gou yubyab.

Geiqndaej seiz ngamq haeuj hag, gou lij dwg ngauq lwgnyez caengz rox- soq, saeh maz cungj roxnyinh mizyinx、geizheih. Ndaw hagdangz gizlawz gou cungj daengz gvaq, gungx lawz gou cungj ndoj gvaq, gizde supyinx gou bae damqra; gwnz cauhcangz gizlawz gungx lawz cungj louz miz gij rizdin caeuq sing riu dou. Seizhaenx, gou ceiq haengj caeuq gyoengq baengzyoux guhdoih youq gwnz cauhcangz doxgyaep doxndoj, duenh seizgan mbouj you mbouj heiq haenx gou gvaq ndaej vuenyungz vaiq- lag dangqmaz.

Ndaw ndwenngoenz siujyoz gou, gyoengq lauxsae dwg boux yinxloh youqgaenj gwnz diuz roen majhung gou. Gyoengqde mboujdan son dungxsaw hawj dou, engq lai lij son gij dauhleix guh vunz hawj dou. Gou geiqndaej miz baez ndeu, gou aenvih mbouj rox guh diuz daeznanz ndeu nyapnyuk raixcaix, dwg lauxsae suyoz hozraez bang gou gangjgej, cigdaengz gou cungj rox liux. Seizde, gou roxnyinh gyoengq lauxsae gig hozraez gig gyaez gou, hix mingzbeg aen dauhleix aeu roengzrengz hagsib.

Cawzbae hag sawfaenz, gou lij camgya hozdung lai cungj lai yiengh. Binaengz yindungvei dwg gou ceiq maqmuengh vaiq di daengz, yienghneix gou couh ndaej caeuq gyoengq doengzhag guhdoih vih ban dou cengnaj. Seiz doxdax, dou haenqrengz buekguh hanh ndikswsw, doengzcaez vih mingzdaeuz ndaw ban roengzrengz ceng’aeu. Seiz ndaw ban ceng ndaej cingzcik ndei, dou angq lumj roeg ciuz faexmwn. Yiengh doengzhag caezsim doxgiet ceng’aeu miznaj hawj gou ciuhvunz neix lumz mbouj ndaej.

Ndaw roek bi ndwenngoenz siujyoz, gou roxnaj le haujlai boux baengzyoux ndei. Dou guhdoih hagsib、 guh’angq, gvaq le haujlai ndwenngoenz nanzlumz. Miz baez ndeu, gou bingh lo, gyoengq baengzyoux gagrox daeuj yawj gou, daiq gij raeujrub caeuq gvansim hawj gou. Seizde, gou gamjsouh daengz cingz- ngeih dijbauj caeuq raeujrub.

Nyeux gyaeuj dauq yawj ngoenz- gonq, gou roxnyinh youq ndaw ndwen- ngoenz siujyoz, swhgeij majhung haujlai hix aeu ndaej cingzcik ndei. Gou hag rox baenzlawz caeuq vunz caemhyouq, baenzlawz gag bae naemjngeix, baenz- lawz gag rox bae gej vwndiz. Gij gingniemh dijbauj neix yaek riengz gou byaij coh diuz roen seiqvunz daengzcog.

Seizneix, gou yaek biek ndwen- ngoenz siujyoz, ndaw sim gou cungj lij siengj gij saeh haenx dangqmaz, sij mbouj ndaej doxbiek. Gou insik duenh seizgan gyaeundei neix, yaek ciengx- lwenx yo gyoengqde youq ndaw sim gou. Doengzseiz, gou hix maqmuengh gij ndwenngoenz baezlaeng, siengsaenq gwnz diuz roen daengzcog, gou engqgya roengzrengz bae hag bae guh, hawj bonjfaenh bienq ndaej engq ndei, baenz boux vunz mizyungh ndeu.

难忘的小学生活

光阴似箭，日月如梭，转眼间我的小学生活就要结束了。回想起这六年里，我在校园里度过的点点滴滴，不禁感慨万分。这些美好的回忆如同一颗颗璀璨的星星，在我心灵的夜空中闪烁。

记得刚入学时，我还是一个懵懂无知的孩子，对周围的一切都充满了好奇。校园里的每一个角落都吸引着我去探索，操场上的每一个角落都留下了我们的笑声与足迹。那时，我最喜欢的就是和朋友们一起在操场上追逐嬉戏，那些无忧无虑的时光让我感到无比幸福。

在我的小学生活中，老师们是我成长道路上的重要引路人。他们不仅传授给我知识，更教会了我做人的道理。我记得有一次，我因为遇到一道难题而苦恼不已，是数学老师耐心地给我讲解，直到我完全理解为止。那一刻，我感受到了老师们的关爱和耐心,也明白了学习的重要性。

除了学习，我还参加了许多丰富多彩的活动。每年的运动会是我最期待的时刻，我可以和同学们一起为班级争光。在赛场上，我们挥洒汗水，奋力拼搏，共同为班级的荣誉而努力，当班级获得好成绩时，我们欢呼雀跃，那种团结和自豪的感觉让我永生难忘。

在小学的六年里,我也结识了许多好朋友。我们一起学习、玩耍,度过了许多难忘的时光。有一次，我生病了，是朋友们来探望我，给我带来温暖和关怀。那一刻，我深深地感受到了友谊的珍贵和温暖。

回首过去，我深感自己在小学里取得了许多进步和成长。我学会了如何与人相处，如何独立思考和解决问题。这些宝贵的经验将伴随我走向未来的人生道路。

如今，我即将告别小学生活，心中充满了不舍和感慨。我会珍惜这段美好的时光，将它们永远珍藏在心底。同时，我也期待着未来的日子，相信在未来的道路上，我会更加努力地追求自己的梦想，成为一个更好的人。

（lauxsae son raiz：Cinz Yenginh /指导老师：覃燕金）