Youq gok doengbaek hagdangz miz go faexrungz hung ndeu, gyae- gyae yawj bae, couhlumj aen liengj hung saekloeg hai dwk.

Gofaexrungz miz seiq caengz laeuz baenzneix sang, ganjfaex de gig hung, aeu haj roek boux nyeziq iet gen dox gaem cij got ndaej hop. Dangh- naeuz mwngz sijsaeq yawj couh raen, youq laj mbaw faexrungz heuswdswd, cwgoemq haujlai mak faexrungz iqetet, gij mak neix lai lumj ndaundeiq gwnz mbwn nei geq cungj geq mbouj liux.

Gyanghaet, dou daeuj daengz hagdangz, duz roeglwg youq gwnz gofaexrungz ciengq cici cetcet, lumj- dwg dongx gyoengq hagseng daeuj caeux haenx nei.

Gofaexrungz mboujdan sangngau mwncup, caemhcaiq hawj haujlai vaiqlag hawj dou. Seizhah ndit ndat dangqmaz, seiz dou daengx ndang hanh lae hanh roenx, gofaexrungz hawj dou ndaej ndoj raemh, hawj dou liengzswdswd, bang dou gyaep deuz ndathwngq ngoenzhah, laj gofaexrungz baenz aen dieg ndei gyoengq baengz- youx iq guh’angq, mwngz yawj, laj faexrungz geijlai nauhyied ha! Dou comz youq gizde guhdoih guh’angq, guh yahndoj、 diuq cag、 diuq foux- faexsaux、 ringx gvingzdiet…… Boux- boux cungj angqvauvau.

Gofaexrungz hunghanghang neix mboujdan dwg giz funggingj lengj ndaw hagdangz, lijdwg boux baengz- youx ndei dou. De daengx bi seiq geiq heuswdswd mwncupcup, mbouj lau ndit dak fwn rwed, rumz ci nae dub, lumj bouxbing nei ndwn youq gizhaenx henhoh dou, buenx dou majhung. De mbouj couhdwg gij cingsaenz hagseng Gujsanh Siujyoz mbouj lau haemzhoj, dingjgeng roengzrengz hagsib haenx ma?

Gou gyaez gofaexrungz ndaw hagdangz, gou guh boux hagseng Gujsanh Siujyoz gamjdaengz gig miznaj!

这儿真美

学校的东北角有一棵大榕树，远远望去，像一把撑开的绿色巨伞。

大榕树有四层楼那么高，树干很大，五六个小朋友展臂拉手才能围拢。如果你仔细看就发现，在那茂密的叶子下面，藏着一个个榕树的果实，就像天上的星星数也数不清。

早晨，我们来到学校，小鸟在榕树上唱着欢快的歌，像正在跟早来的同学打招呼呢。

高大茂密的大榕树给我们带来无尽的快乐。炎炎夏日，当我们浑身大汗时，大榕树给我们挡起绿荫带来凉爽，为我们赶走炎热，榕树下成了我们的活动天堂，你看，榕树下多么热闹啊！我们聚在一起玩耍、捉迷藏、跳绳、跳竹竿舞、滚铁环……个个都乐开了怀！

大榕树不但是我们学校一处美丽的风景，还是我们最好的朋友。它一年四季绿色长青，不怕风吹雨打，像士兵一样屹立在校园里，守护着我们，陪伴我们成长。它不正是我们古山小学小朋友不怕困难，坚持不懈的象征吗？

我爱学校的大榕树！我作为古山小学的一名学生，我感到自豪!

（lauxsae son raiz： Lij Liginh / 指导老师：李丽君）