Doenghduz gou ceiq maij haenx dwg duzmeuz ranz gou, gou ancoh hawj de heuhguh “Gyaujswj”. Ndang de gij bwn raiz hau raiz ndaem, lumh ndang bwn de raeuzrwdrwd; de miz fouq “rwzcienleix” ndeu, gij sing youq haj mij dauqndaw, de cungj dingqnyi liux; de miz doiq da ndongqrikrik ndeu, banngoenz laep haeuj lumj diuz sienq nei, haemhlaep cix byaengq lumj aen lingzdoengz; de lij miz seiq cik ga iq, gaej yawjsiuj ga de iq, gou lij buet mbouj gvaq de ne!

Gyaujswj genj gwn dangqmaz. Mboujdan baihrog aeu ndeiyawj, feihdauh lij aeu ndeigwn. Ceiq youqgaenj dwg bungz daengz de mbouj haengj gwn, de cij yawj baez ndeu couh deuz lo. Bungz daengz gij de maij gwn, couh simgip dangqmaz, sikhaek gwn liux le, caiq ngiengx gyaeuj yungh song ceh da gvai haenx yawj gou. Bouxlawz dingj ndaej song ceh da de ha! Gou baez raen couh gya gij gwn hawj de.

Gyaujswj gwn imq le couh boemz youq gwnz yangzdaiz dak ndit, mboujlwnh dwg bouxlawz heuh de deuz, de hix mbouj bae.

Gyaujswj gwn imq lo, hix dak ndit gvaq, couh hainduj liebbyaij, caenh’aeu raen riz nou, de couh rox heuh, hawj duznou rox swhgeij yaek deng de haeb dai, hoeng de hemq geij sing couh deuz lo, lumjbaenz naeuz:“Gvaqlaeng caiq daeuj haeb dai mwngz. ”

Miz baez ndeu, gou daiq Gyaujswj bae giuzcangz guh yahndoj, gou guh boux ra, de guh boux ndoj. De ndoj ndei le, gou couh bae ra de, ra baenz buenq aen giuzcangz cungj ra mbouj raen de, mwhneix gou couh hemq:“Gyaujswj ha, gouqmingh ha!” Sawqmwh laj din gou cienz daeuj sing meuz heuh, gou ngaem gyaeuj yawj, laxlawz dwg duzde buet daeuj gouq gou lo!

Duzmeuz ranz gou, gou gyaez mwngz! Aenvih mwngz roxsoq lai lo.

我家的小猫

我最喜欢的动物是我家的小猫，我给它起名叫“饺子”。它有一身黑白相间的毛,摸上去很光滑；它有一双“千里耳”，只要在五米以内的地方，它什么都能听到；它有一双明亮的眼睛，白天眯得像一条线，晚上睁得铜铃般大小；它还有四只小脚，别小瞧它那小小的脚，我跟它赛跑还跑不过它呢!

饺子对食物的要求挺高的，不仅外表要好看，味道还得好吃。要是碰到它不喜欢吃的，它只看一眼便走了。可遇上它喜欢吃的，它便会狼吞虎咽，吃完了再抬头用那乖巧的双眼盯着我。谁能抵挡住那双眼啊！我一看见便给它添食。

饺子吃饱后就会趴在阳台上享受温暖的阳光，无论谁叫它走开，它都不动。

饺子吃饱喝足，享受了阳光浴，便开始巡逻，只要发现老鼠的踪迹，它便会喵喵叫，让老鼠知道自己随时会死。但它叫了几声就走了，仿佛在说：“稍后再来会会你。”

有一次，我带饺子去球场玩捉迷藏，我来找，它来躲。它躲好后我找它，找了大半个球场都没找到，这时我便喊：“饺子，救命啊！”突然我的脚下传来喵喵声，我低头一看，原来是饺子赶来救我了!

小猫，我爱你！因为你太有灵性了。

（lauxsae son raiz: Cinz Yenginh / 指导老师：覃燕金）