Moix baez gou yawj mbaw siengq daxboh son gou gwih danci haenx, gwnz naj cungj gag miz gij riu vuenyungz.

Ndaw sujgyaj, gou raen baengzyoux cungj rox gwih danci lo, gyoengqde cungj naeuz: “Gwih danci sangj raixcaix! Moix raq rumz, cungj gamjsouh ndaej daengz.” Gou sim naemj: Dauqdaej gwih danci dwg gijmaz gamjsouh ne? Mboujnex gou hix hag gwih danci ba!

Ra bouxlawz son ne? Ra daxboh son ba. Gou gikdoengh dwk buet daengz aen rug daxboh, cam naeuz:“Daxboh, baengzyoux gou cungj hag rox gwih danci lo, hoeng gou lij mbouj rox ne, mwngz son gou ndaej lwi?” Daxboh naeuz:“Ndei ndei, hoeng mwngz aeu dapwngq gou gienh saeh ndeu, ndaej lwi?” Gou gig miz saenqsim naeuz:“Dangyienz ndaej, mwngz gangj dwg gijmaz diuzgienh?” Daxboh deng gij yiengh simgip fwdfwd gou daeuq riu lo, naeuz:“Hag gwih danci aeu dingj daengz daej, doiq mwngz daeuj gangj mbouj nanz ba?” Gou doeknaiq dwk mboujmiz gij saenqsim haxbaenh lo, hoeng gou lij bak geng naeuz:“Dangyienz ndaej.” “Yienghneix raeuz ngoenzcog hainduj lienh.”

Ngoenz daihngeih, daxboh heuh gou hwnqcongz, naeuz:“Mwngz yaek seizlawz hwnqdaeuj lienh gwih ci ha?” Gou guhnyah naeuz: “Daxboh, caj gou ninz gaeuq gonq, gou ngoenzneix caengz hag gonq, ndaej lwi?” Daxboh yiemzsuk naeuz:“Mwngz lumz gij vah ngoenzlwenz gangj gvaq la?” Gou dingq le, naj ngvaiq dwk naeuz:“Ndei ba.” Gou riengjvaiq swiq naj cat bak, riengz daxboh bae gyanghongh.

“Daxboh mwngz youq laeng rex gou bw.” Gou dwglau naeuz. Daxboh rex danci son gou caij baenaj, baez ndeu…… song baez…… sam baez……“Rox gwih caengz?” Daxboh cam. “Wnggai rox luba.” Gou mbouj aiq haengjdingh. Daxboh naeuz:“Raeuz caiq lienh baez dem.” Daxboh caegcaeg cuengq fwngz, gou goz dauq baez yawjraen, sikhaek vueng lo, gou baez vueng couh laemx lo. Daxboh sikhaek gvaqdaeuj fuz gou hwnjdaeuj, nai gou, gou “ngw” sing ndeu couh daej hwnjdaeuj lo. Caj gou sim dingh roengzdaeuj, couh naeuz:“Daxboh, gou mbouj lienh lo, ndaej lwi?” Daxboh naeuz: “Dingj roengzbae couh hag rox lo, mwngz cam boux doengzhag mwngz, bouxlawz mbouj dwg dingjgeng guh ha?” Gou dingq le naeuz:“Ndei, gou dingj roengzbae.” Gou youh lienh geij baez, doeklaeng hag rox le gwih danci. Gou youq ndaw hongh gwih bae gwih dauq, gou sim naemj, yienzlaiz gij gamjsouh gwih ci dwg yienghneix ha, cwxcaih lai lo, swyouz raixcaix! Daxboh yawj le naj de riunyumnyum.

Seiz gyanghaemh gwn caeuz, gou caeuq daxmeh gangj gienh saeh neix, daxmeh riuhaha. Daxboh cam gou:“Mwngz ngoenzneix hag rox le gijmaz, rox le gijmaz dauhleix? ” Gou gagsaenq naeuz:“Gou hag rox le gwih danci, rox daengz aen dauhleix ndeu, mbouj- guenj bungz daengz gijmaz gunnanz cungj mbouj ndaej luenh vut bae, itdingh aeu dingj guh daengz daej.”

Daxboh son gou gwih danci seiz, daxmeh caegcaeg youq baihlaeng ingj mbaw siengq ndeu. Cigdaengz seizneix, moix baez gou raen mbaw siengq neix, ndaw sim cungj raen vuenyungz caeuq raeujrub dangqmaz!

照片里的温暖

每当我看到那张爸爸教我骑自行车的照片，我的脸上都会不自觉地露出幸福的微笑。

暑假里，我看见身边的朋友都会骑自行车，她们都说：“骑自行车好爽啊！每一阵风，都能感受到。”我心想：到底骑自行车是什么感觉呢？要不我也学骑自行车吧！

找谁教我呢？找爸爸吧。我激动地跑到爸爸的房间，对爸爸说：“爸爸，我朋友都学会骑自行车了，可我还不会呢，要不你教教我？”爸爸说：“好好好，但是你得答应我一个条件，可以吗？”我信心满满地说：“当然，你说的条件是什么？”爸爸被我急迫的样子逗笑了，说：“学骑自行车要有一颗坚持到底的心，这对你来说不难对吧？”我似乎没了刚才的信心，但我还坚定地说：“当然可以。”爸爸说：“那我们明天就开始练习。”

第二天，爸爸叫我起床，说：“你准备什么时候起床练习骑车呀？”我撒娇说：“爸爸，等我睡够嘛，我今天先不学可以吗？”爸爸严肃地说：“你忘记昨天说的话了？”我听了，整个脸耷拉下来，说：“好吧。”我快速洗漱完毕，随爸爸到了院子里。

“爸爸你在后面扶我哦。”我害怕地说。爸爸扶着自行车让我练习，一遍……两遍……三遍……“会骑了吗？”爸爸问。“应该会了吧。”我有点不自信地说。爸爸说：“我们再练习一遍。”爸爸悄悄地放开了手，转个弯后我瞧见了，心里立马慌了起来，我一慌马上就摔了下来。爸爸立刻扶我起来，安慰我，我“哇”的一声哭了起来。等我心情平复下来，我说：“爸爸，我不练了，可以吗？”爸爸说：“坚持下去就学会了，你问一下你同学，哪个不是坚持才学会的呀？”我听了说：“好，我坚持。”我又练了几遍，终于学会了骑自行车。我在院子里骑来骑去，我心想，原来骑车是这种感觉呀，真舒服，真自由啊！爸爸看到后脸上露出了笑容。

晚上吃饭时，我和妈妈讲起了这件事，妈妈哈哈大笑。爸爸问我说：“你今天学会了什么，懂得了什么道理？”我自信地说：“我学会了骑自行车，懂得了一个道理，不管遇到什么困难都不能放弃，一定要坚持到最后。”

爸爸教我骑自行车时，妈妈偷偷拍了张照片。直到现在，我每每看到这张照片，心里都感觉到很幸福很温暖！

（lauxsae son raiz：Liengz Haijyangz / 指导老师：梁海洋）