Aeueiq vunz dwg gij conzdungj ndei Cungh- vaz Minzcuz. Aeueiq bouxwnq couh dwg aeueiq bonjfaenh. Danghnaeuz mwngz mbouj rox aeueiq bouxwnq, bouxwnq hix mbouj aeueiq mwngz. Aeueiq boux mbouj roxnaj, aeueiq lauxsae, aeueiq bouxlaux, boux caensim aeueiq bouxwnq, bouxwnq hix itdingh aeueiq de.

Mwh gou roek bi, gig manz gig cauq, ndaw sim mbouj rox miz“aeueiq” song cih saw neix, mboujguenj youq seizlawz, youq dieglawz, gou siengj guh gijmaz couh guh gijmaz, saekmwh yawj bouxlawz mbouj habhoz gou lij doenghfwngz moeb gvaqbae. Bouxhung cungj mbouj maij gou, seizhaenx gou hix mbouj raen swhgeij miz gijmaz loek.

Cigdaengz mwh 7 bi, miz ngoenz ndeu, gobiuj daengx ranz daeuj ranz gou liuh, gyoengqde youq ndaw ding gangjgoj nauhyied dangqmaz, gou deng gyuk dwk mbouj naihfanz lo, gaem aen bingzgoj ndeu couh gveng bae coh gobiuj. “Dung” sing ndeu, cingq gveng deng aen gyaeuj de, gwnz gyaeuj de deng dub hwnj aen ndo ndeu.

Gou rongx naeuz “ancingh!” Gyoengqvunz byaengqda yawjswgswg, gou cix mbouj guenj mbouj goq, gag byaij ma rug swhgeij, lumj goenglaux nei hai densi yawj hwnjdaeuj.

“Lwg mwngz caen dwg yak lo! Guhmaz cungj mbouj roxsoq saekdi ne? Sou song vunz bingzseiz cungj mbouj guenj ma?” “Nuengx ha, daeglwg mwngz aeu lailai guenj bw.” Gou dingq gyoengqde naeuz gou. Gou roxnyinh naj daxboh daxmeh cungj mbouj ndeiyawj.

Gou nyaenx mbouj ndaej lo, buet okbae, fwngz vix gyoengqde fok naeuz:“Neix dwg ranz gou, sou souh mbouj ndaej gou couh ringx ok dou bae.” Gou baez yawj gyoengqde, raen gyoengqde gig caengz gou. Gyoengqde cungj ndwn hwnjdaeuj byaij deuz lo, mwh byaij gvaq henzndang gou lij naeuz gou.

Gou naemj mbouj mingzbeg gyoengqde vih gijmaz rox yienghneix, gou lij dwg lwgnyez, gyoengqde mbouj wnggai nyiengh gou ma? Gou gag gangj gag naeuz：“Vih gijmaz? Vih gijmaz? Vih gijmaz……”Gou deng daihgya ndaq, baez daih’it roxnyinh ndaw sim gig nanzsouh. Gou cam daxmeh:“Daxmeh, ngoenzneix daihgya cungj naeuz gou, nanzdauh dwg gou guh mbouj deng ha?”Daxmeh naeuz:“Gaxgonq gou gangj mwngz mwngz cungj mbouj dawzhaeujrwz, ngoenzneix mwngz baenzneix saetlaex, gyoengqde naeuz mwngz mwngz couh nanzsouh la? Mwngz gag naemjnaemj, mwngz aeueiq gyoengqde lwi? Mwngz dwg lwgnyez, gyoengqde dwg bouxlaux, mwngz mbouj aeueiq gyoengqde, baenzlawz heuh gyoengqde aeueiq mwngz ne……”Daxmeh naeuz gou haujlai, gij vah daxmeh hawj gou mbouj rox dap.

Gou ngeixngoegngoeg ma daengz ndaw rug. Gag naemj：Gij vah daxmeh gangj caen deng dauhleix bw. Cig daengz seizneix gou cix roxdaengz swhgeij loek lo, gamjdaengz gig ienqhoij. Daengz ngoenzseng bet bi gou, gyoengq beixnuengx youh daeuj ranz gou lo, daihgya angqyangz guhdoih youq. Gou simnaemj “miz gihvei lo.” Gou baez yamq baez yamq byaij daengz baihnaj gyoengqde, gyoengqde yiemzsuk dwk yawj gou, laihnaeuz gou youh yaek guhmaz vaihsaeh lo. Gou gungjhwet yiengq gyoengqde gangj:“Doiq mbouj hwnj.”Gyoengqde bouxboux cungj doeksaet liux, gaendwk riu lo, gvaqdaeuj lumh aen gyaeuj gou gangj:“Rox loek le gaij gvaqdaeuj couh ndei.”

Doengz aen dieg ndeu, baezneix cix caeuq gaxgonq mbouj ityiengh. Baezneix dwg gou aeueiq gyoengqde, daihgya caezyouq angqfwdfwd. Daj seizhaenx hwnj, gou guhbaenz aeueiq bouxwnq aen sibgvenq neix lo.

我养成了尊重他人的习惯

尊重他人是中华民族的传统美德。尊重他人就是尊重自己。你不尊重别人，别人也不会尊重你。尊重陌生人，尊重老师，尊重长辈，一个真心懂得尊重他人的人，一定会赢得他人的尊重。

六岁时候的我，调皮捣蛋，眼中不知道有“尊重”这两个字，不管在什么时间、什么场合，我想干什么就干什么，甚至看谁不爽就动手打。长辈们都不喜欢我，当时我也没有觉得我有什么错。

直到七岁时，有一天，表哥一家人来我家做客。他们在客厅里聊得热火朝天，我被吵得不耐烦了，拿起一旁的苹果就朝表哥扔。“咚”的一声，正好打中了他的脑袋，他的头长了个包。

我吼道“安静！”然后全然不理长辈们的目光，自顾自地走回了自己的卧室，像个大爷一样看起了电视。

“你家孩子真是的！怎么一点礼貌也没有啊，你们平常都不管一下吗？” “妹妹呀，你这孩子还是管管吧。” 我听着他们在说我。我隐隐感觉到爸爸妈妈的脸色十分不好。

我忍不住了，跑出去，指着他们吼道：“这是我家！觉得我不好就滚出去。”我对上了他们的目光，他们的目光里有痛惜和厌恶。他们都起身走了，从我身边走过时还说着责怪我的话。

我想不明白他们为什么会这样，我是小孩子，他们不应该包容我吗？我自言自语：“为什么？为什么？为什么……”被大家批评教育，我第一次感到难受。我问妈妈：“妈妈，今天大家都批评我，难道是我做得过分了？”妈妈说：“以前我跟你讲道理你都当耳边风，今天你做出这么没礼貌的事，他们批评你你就难受了？你仔细想想，你尊重他们了吗？你是晚辈，他们是长辈，你不尊重他们，怎么能要求他们尊重你呢……”妈妈跟我说了很多，她的话让我哑口无言。

我默默回到房间。心想妈妈的话好像还真有道理哦！我这才意识到自己的过错，感觉后悔了。在我八岁生日那天，亲戚们又来了，大家开开心心围在一起。我心想 “机会来了”，我一步一步走到他们跟前，他们神情严肃地盯着我，以为我又要“作妖”了。我弯腰九十度真诚地向他们道歉：“对不起。”他们先是惊讶，随即笑了，摸着我的头说：“知错就好。”

一样的场合，这次却和之前不同。这次是互相尊重，气氛暖融融的。从那时起，我养成了尊重他人的习惯。

(lauxsae son raiz: Luz Dunghginz / 指导老师：陆冬群)