Vunzrwix caeg baenzcax,Raeuz caemh lax fagcieng,Mbouj ndaej dox siengliengz,Couh gyagiengz dingj gvaengh.Baij ok cib fanh bing,Yamq din haeuj doengbaek,Gauj miz sing miz saek,Siucawz “mbaek gwn vunz”.Gauj ndei gaijfanggih,Hengz dujdi gaijgwz,Nyinhcaen bae fucwz,Mbouj hawj lw hawj lot.Fanjdungbai bwh bing,Itsim yaek hoenxciengq,Meijgoz haeuj laux Ciengj,Siengj laeb de guh daeuz.Malwg baengh meh raeuq,Bongh daeuj yaek haeb vunz,Hwnz ndeu mbwn fan rumz,Yawj yiengh fwn yaek doek.Cunghgung maenh gvaq bya,Fwngz geng ga mbouj unq,Doiqdingj boux fanjdung,Daengxcungq caemh diuzsim.Gyangh Cuzginh dahcej,Meh oiq biek lwggvai,Deng gyaeng souhcoih lai,Daengz dai mbouj buenqbienq（叛变）.Dah giengh Liuz Huzlanz,Vanzgyangz bae doxdwk,Mwh de lix hungmbwk,Mwh dai dwg gvanghyungz.

3. Fanjdungbai Daeuj DwkFanjdungbai daeuj dwk,Sai mbwk doengzcaez hen,Bing minz caemh okrengz,Cungj bae ceng bae buek.Raengz laeg couh veq deuz,Raemx feuz cix bae dangh,Roeb mieng iq yat hamj,Roeb dah gvangq van roen.（27）