Moix boux vunz cungj gag miz gij sibgvenq swhgeij, gou hix miz gij sibgvenq bonjfaenh gou. Hainduj, gou caemh mbouj gyaez yawj saw geijlai, hoeng doeklaeng gou sien yawj bonj saw mizyinx gonq, menhmenh gou couh maij yawj saw lo, cungj maij yawj saw neix lij ciemhciemh bienqbaenz sibgvenq dem.

Miz ngoenz ndeu, gou caeuq daxmeh caez bae gai, byaij gvaq aen bouq gai saw ndeu, dingz roengzdaeuj naemjngeix yaep ndeu, gou lij dwg caeuq daxmeh byaij haeuj ndaw bouq. Ndaw bouq miz haujlai saw, gak cungj gak yiengh, miz gohbuj、gojlwgnyez、sawcuenh daengj. Gou swnhfwngz dawz bonj Gojlwgnyez Gwzlinz ndeu daeuj, yawj le yawj moegloeg, couh roxnyinh itdingh gig ndeiyawj. Yienghneix, gou naengh youq gwnz namh, mbouj rox mbouj nyinh couh yawj hwnjdaeuj lo. Ndaw saw miz haujlai gojgaeq, dahsau ngaih、dahniq gai habfeiz、dahsau gai bau daengj gojgaeq, caen dwg mizyinx dangqmaz. Gou caem youq ndaw saw, deng gij cingzciet doxlienz doxdab haenx maez liux, deng gij minghyinh bouxcawj ndaw saw gaem hoz, saekseiz nyaenx mbouj ndaej raemxda doek, saekseiz youh gikdoengh cancan…… Gou yied yawj yied maez, daxmeh heuh gou baenz geij sing gou cungj mbouj nyi. Mbwn haemh lo, daxmeh naeuz yaek ma ranz lo, gou cij doeknaiq sisi riengz daxmeh ma ranz. Ma daengz ranz le, gou youh simgaenj dwk buet daengz henz gvihsaw ra saw daeuj laebdaeb yawj. Laxlawz, saw baenzneix nyex vunz baenz yinx ha!

Daj neix gvaqlaeng, gou couh heuh daxmeh lai cawx di saw dauqma, gou hawj swhgeij bienqbaenz boux “maezsaw” lo. Haemhnaengz, gou cungj aeu yawj saw. Gij saw daxmeh cawx ma haenx cungj yawj sat lo, gou ciengzseiz heuh daxmeh daiq gou bae duzsuhgvanj. Yienghneix, gou lienh baenz le gij sibgvenq ndei yawj saw. Daj gou maij yawj saw le, cingzcik gou daezsang di lo, yawjdoeg naengzlig、aeu vah gangj saeh naengzlig cungj ak gvaq gaxgonq haujlai lo.

Gij sibgvenq doegsaw dwg menhmenh lienh baenz, raeuz cijaeu dingjmaenh yawjsaw, gaenx roengzrengz, couh miz souhaeuj vanswd, hawj swhgeij hag ndaej ndei guh saeh baenz.

我养成了看书的习惯

每个人都有自己的习惯，我也有自己的习惯。之前，我不爱看书，但后来我从看一本有趣的书籍开始，慢慢地就喜欢上了看书，并且养成了喜欢看书的习惯。

有一天，我和妈妈一起上街，路过书店，停下来想了一下，还是和妈妈走进了书店。店里有很多书，各种各样的，有科普、童话、小说等。我随手拿起一本格林童话，看了看目录，就觉得一定很好看。于是，我坐在地板上翻阅，不知不觉地被书里的故事吸引了。书里有很多故事，有灰姑娘、卖火柴的小女孩、面包姑娘等故事, 真是有趣得很。我沉浸在书里，被扣人心弦的故事情节所吸引，被主人公的命运所感动，我一会情不自禁地流泪，一会又激动不已……我越看越入迷，就连妈妈叫了我好几声我都没听见。天色晚了，妈妈说该回家了,我才恋恋不舍地放下书。到家后,我迫不及待地跑到书柜前，抱着书继续看。原来,书这么吸引人啊！

从此之后，我总嚷嚷让妈妈多买点书回来，我让自己变成了一个“书迷”。每天晚上，我都要抱着书看。妈妈买回来的书不够看，我就嚷着妈妈带我去图书馆看书。就这样，我养成了看书的好习惯。自从我养成看书的习惯后,学习成绩提高了不少，阅读能力、语言组织能力等都得到了增强。

阅读习惯是慢慢养成的，我们只要坚持阅读，勤奋用功，就能尝到学习的甜头，使自己学而有成。

(lauxsae son raiz: Cinz Yenginh / 指导老师： 覃燕金)