De dwg hagseng sam nienzgaep hagdangz dou, mingzcoh heuh Siujlingz, hoeng gyoengq doengzhag cungj heuh de “Leiz Fungh iq”.

Siujlingz bouxvunz iqet, aiq dwg lij caengz miz mij sam, hoeng de lumj boux yungh rengz mbouj rox liux nei, baenzngoenz cungj baenq mbouj dingz. Ndaw hagdangz boux doengzhag lawz miz saehhoj de cungj boux daih’it daengz henzndang bae bang. Mboengqgonq, seiq nienzgaep miz boux doengzhag ndeu mbouj siujsim fadlaemx diuz ga sieng lo, byaij roen gvezndoekndoek. Baez daengz gwn ngaiz, cungj dwg Siujlingz bang de daek haeux dawz daengz gyausiz hawj de gwn，sat le lij bang boux doengzhag haenx swiq vanj seuq bae. De yienghneix guh le 50 lai ngoenz, boux doengzhag wnq siengj lawh de saek mbat, de cungj mbouj hawj, cig daengz boux doengzhag haenx sieng ndei.

Ngoenz singhgiz ndeu, roek nienzgaep miz boux doengzhag ndeu yawjraen Siujlingz youq gwnz loh yungh aen ndang iqet de bang boux daxbuz ndeu doi ci gvaq daihloh. Gwnz ci daxbuz cang haeux rim liux, gvaq daihloh seiz ci naekgywggywg menh dangqmaz, gwnz loh ci bae ci dauq gig yungyiemj, seizde miz song boux doengzhag iq byaij gvaq, mbouj gvaqbae bang. Siujlingz ngamqndei lohgvaq, de sikhaek buet gvaqbae bang daxbuz doi ci. Raen Siujlingz buet gvaqbae bang le, geij boux doengzhag hix buet gvaqbae bang lo.

Bouxboux cungj gig gyaez seuqcengh ndeiyouq. Miz ngoenz ndeu, miz boux doengzhag ndeu byaij youq gwnz cauh- cangz, sawqmwh lumj suijlungzdouz mbouj gven nei, rueg ok haujlai doengh- yiengh, rueg ndaej de aennaj cungj heubyaek bae. Haujlai doengzhag raen le cungj nep ndaeng deuz vaiqvet. Siujlingz raen le, sikhaek buet gvaqbae cam boux doengzhag haenx:“Siujhoengz, mwngz baenzlawz yiengh la, ndang youq mbouj baenz ma? Yungh mbouj yungh daiq mwngz bae yawj canghyw ne?” Siujhoengz gangj:“Aiq dwg gwn doenghyiengh loek lo, rueg liux seizneix ndei lai lo, gou bae aeu raemx riengx bak couh ndei lo.”Dingq Siujhoengz yienghneix gangj, Siujlingz couh heuh de bae riengx bak, caemhcaiq buet haeuj gyausiz bae aeu sauqbaet、fagcanj daeuj dawz gij rueg uq baet seuq bae.

“Leiz Fungh iq”guh gij haenx hawj daihgya gig gamjdoengh, gyoengq doengz- hag cungj roengz gietsim aeu yiengq Siujlingz hagsib haengj bang vunz, siengsaenq baezlaeng hagdangz dou yaek bienqbaenz aen hagdangz yiengh Leiz Fungh.

小雷锋在我身边

她是我们学校三年级的学生，她的名字叫小玲，但是同学们都叫她“小雷锋”。

小玲个子瘦瘦小小的，她身高可能还不到1.3米，但是她力量却很大，好像永远用不完似的，整天都忙碌不停。学校里，哪个同学有困难，她总是第一个飞奔到身边去帮助解决困难。前段时间，四年级有个同学不小心摔伤了腿，走起路来一瘸一拐的。每到打饭时间，小玲总是抢着拿她的饭盒去帮她打饭到教室，等她吃完饭后还帮她把碗洗刷干净。她一做就是50多天，中间有同学想帮忙，小玲也不让，直到那位同学完全康复。

一个星期天，六年级的一位同学看见小玲在公路上用她小小的身躯帮一位老奶奶推车过公路。当时老奶奶的车上装满了稻谷，因为装得太满太重，推车过公路时慢吞吞的，路上车来车往很危险。当时有两个孩子路过，但他们并不过去帮老奶奶。小玲刚好路过，她赶忙过去帮老奶奶推车。后来，几个孩子看到有同学过去帮忙，也不好意思地跑过去一起帮老奶奶推车。

每个孩子都喜欢干净、整洁。有一天，有一个同学正在操场上走着，突然呕吐不停，脸色发青。好多同学走过旁边，都捏着鼻子加速离开。小玲看到后，立刻跑过去问那个同学：“小红，你怎么啦，身体不舒服吗？用不用带你去看医生呢？”小红说：“可能是吃错东西了，现在吐出来舒服多了，我去要水漱漱口就行了。”听小红这么说，小玲叫她去漱口，然后飞快地跑回教室拿着扫把、垃圾铲来到操场，把小红吐的脏东西扫得干干净净。

“小雷锋”小玲的行动感动了大家，同学们都下定决心学习小玲乐于助人的精神，相信今后我们学校会变成“小雷锋”校园。

(lauxsae son raiz： Luz Dunghginz / 指导老师 陆冬群)