“Gingjcaz dungzci, gyo’mbaiq sou bang gou banh ndei hugouj lo.”6 nyied 19 hauh, vunzlai Nazboh Yen Bingzmung Cin Nencingj Cunh Mbanjgujbangh soengq mbawgeiz yaenq cihsaw “vih minz guh saedsaeh bouxgingjcaz ndei yinzminz”hawj minzgingj huciz laeng Bwzswz Benhging Gvanjlij Cihdui Nencingj Benhging Baicuzsoj.

Gaenh geij bi neix, Bwzswz Benhging Gvanjlij Cihdui yawjnaek hong minzcuz doxgiet, doiok hamj swngj banh、aen cueng sojcangj ciepdaih、haeuj ranz banh daengj guhfap. Daj bi 2022 doxdaeuj, aen cihdui neix bang 350 lai boux vunz gak minzcuz dauq banh、bouj banh hugouj, bang 160 vunz gaijcingq gij loek ndaw huciz, gaijgez liux vunzlai ndaw diegguenj henzguek “nanzdaez”. Neix hawj yinzminz caeuq gingjcaz engq doxhuz doxndei, coicaenh henzguek minzcuz doxgiet baenaj.

（王鹏宇/Vangz Bungzyij 王 波/Vangz Boh）