Gaenh geij bi neix, Hocouh Si Fuconh Yauzcuz Swciyen youq Cauzdungh Cin Mbanj- casanh guh sawqdiemj “hengz- doengh mizmingz lajmbanj”. Yienh de ciuq gij vwnzva lizsij、deihleix daengj daegdiemj Mbanjcasanh ancoh hawj 8 diuz lohgaeuq、honghgaeuq, caiq laeb 17 gaiq biubaiz, cienz gij dieg ranzdoz、bouqhaeux hwnj denswj diduz bae, guh ndei gij sezsih giekdaej lajmbanj lijyouz. Aen hengz- doengh neix yinx hekyouz daeuj guhcaemz, coicaenh vunzlai demsou, hix gyagiengz Fuconh caeuq dieg wnq gyauhliuz vwnzva, coicaenh couqmaenh gij eiqsik caez- caemh Cunghvaz Minzcuz.

Baezlaeng, Fuconh yaek laebdaeb cauhmoq guhhong, youq henzgyaiq Huznanz Gvangjsih dajcauh rangh dieg guhyiengh guh hengzdoengh mizmingz lajmbanj “Fuzhih—Casanh—Siusuij”, gaenjmaed doxgiet song dieg, gyagiengz song swngj（gih） gyauhliuz, hwnqguh diuz giuz minzcuz doxgiet baenaj.

（黄 民/Vangz Minz 何易原/Hoz Yiyenz）