Gveigangj Si Cinzdangz Gih Mungzgungh Cin Gauhcan Siujyoz it (2) ban Veiz Yihhangz/韦依杭（lauxsae son raiz: Veiz Caijfangh/指导老师：韦彩芳）

今天，我们学校举行运动会。一大早，我来到学校，就看到学校被打扮得格外漂亮：彩旗在阳光下飘扬，五彩的跑道特别耀眼。看到这我的心情好激动啊！

首先举行的是入场仪式。第一个入场的是国旗队和彩旗队。大哥哥、大姐姐好威武啊！接下来就是各班的方队，他们喊着响亮的口号，一个个像解放军叔叔一样昂首挺胸步入运动场。

入场仪式结束后，比赛就开始了。我参加的比赛项目50米短跑率先进行。我的心情好紧张，这时，我的朋友周圆玥走过来对我说：“依杭，我们为你加油，你是最棒的！”听到朋友的鼓励，我没有那么紧张了。老师一声“预备——跑”发令后，我像箭一样冲出去，同学们和老师的加油声让我充满力量，我第一个冲到终点！50米短跑我获得第一名，我太开心啦！

下午，我的好朋友彤姐参加400米跑比赛，我陪着她一路跑，她在第一个转弯处超越了前面的同学，获得了第一名。哇，彤姐好厉害呀！

我还要参加明天的跳绳比赛，我要好好加油，为我们班争光！

Ngoenzneix, hagdangz dou hai yindungvei. Haet caeux, gou angq- vauvau daeuj daengz hagdangz, couh yawjraen ndaw hagdangz deng dajcang ndaej daegbied gyaeundei: Caijgeiz youq laj nditrongh mbinfafa, haj saek baujdau lwenqda raixcaix. Yawj daengz gij neix, sim gou geijlai gikdoengh ha!

Hangh daih’it haiguh dwg haeujciengz. Doih daih’it haeujciengz dwg doih guekgeiz caeuq doih caijgeiz. Daeggo dahcej geijlai vifung ha! Ciep dwk dwg gak ban doihseiqfueng, gyoengqde hemq goujhau sing goksat, bouxboux lumj gaijfangginh daxau nei enj aek yamqdin hung byaij haeuj yindungcangz.

Haeujciengz sat le, doxdax couh hainduj lo. Hangh doxdax daih’it dwg 50 mij doxdax buet, gou camgya hangh doxdax neix. Sim gou gaenjcieng raixcaix, seizneix, baengzyoux ndei gou Couh Yenzyez byaij gvaqdaeuj nai gou naeuz:“Yihhangz, dou coengh rengz hawj mwngz, mwngz ceiq ak!” Dingq daengz baengzyoux gujli, gou mbouj gaenjcieng lo. Lauxsae “cinjbi——buet” fatlingh le, gou lumj naq nei buet okbae, sing gyayouz gyoengq doengzhag caeuq lauxsae hawj gou daengx ndang miz rengz, gou boux daih’it buet daengz gyaeujdieg! 50 mij doxdax buet gou ndaej daeuz mingz, gou sim’angq raixcaix!

Banringz, baengzyoux ndei gou Dungzdungz dahcej camgya 400 mij doxdax buet, gou it loh buenx de buet, de youq giz ngutvan daih’it buet hamj boux doengzhag baihnaj, ndaej mingz daih’it lo. Va, Dungzdungz dahcej geijlai ak ha!

Ngoenzcog gou lij camgya doxdax diuqcag, gou aeu ndeindei roengzrengz diuq, gou aeu vih ban dou cengnaj!