Mboengqneix, aen hoih fatbouh 《Cungguek Vahgangj Vwnzva Diemj- cangz·Lozyez》《Cungguek Vahgangj Vwnzva Diemjcangz·Vahcuengh Sih- linz》《Cungguek Vahgangj Vwnzva Diemjcangz·Vahgwzlauj Lungzlinz》 youq Bwzswz Yozyen banh.

《Cungguek Vahgangj Vwnzva Diemjcangz》 dwg gij cwngzgoj “Cungguek vahgangj swhyenz bauj- hoh gunghcwngz” vahgangj vwnzva gunghcwngz hungnaek Gyauyuzbu、Guekgya Yijveij, ndaej guekgya bued cienz okbanj, gonqlaeng liedhaeuj “cibsam haj”“cibseiq haj” guekgya cungdenj sawdoz okbanj gviveh hanghmoeg. 《Cungguek Vahgangj Vwnzva Diemjcangz》 gungh 50 cek, baugvat 37 cek gienj vahdeihfueng Vahgun、13 cek gienj vah minzcuz. Lozyez、Vahcuengh Sihlinz、Vah- gwzlauj Lungzlinz sam gienj, cienz- mienh hidungj langhbaij le mbawveh vahgangj vwnzva lix miz minzcuz daegsaek noengznwdnwd Bwzswz, dwg haeujlaeg diucaz geiqloeg caeuq baujlouz baujhoh vahgangj vwnzva Lozyez、 Sihlinz、 Lungzlinz sam dieg.

Bwzswz Yozyen gyoengq boux guhhong vahgangj baengh gij caizbauj vahgangj Bwzswz, guh baenzroix diucaz, youq “Vahcuengh” “Vah- cuengh caeuq vahgangj doxciep”“Vahcuengh caeuq yijfazva” “Vah- cuengh caeuq Vahgun” daengj gizdieg yenzgiu vahgangj guh ok cingzcik lailang, bauq ndaej baenzroix guekgya segoh gihginh、swngjbugiz hanghmoeg, fatbiuj buek yozsuz lunvwnz caeuq saw cienmonz ndeu, coenghrengz yenzgiu、baujhoh、cienzswnj caeuq yungh vahgangj guek raeuz.

（Hih Cinhaij Dwng Minzswng）