《Giuzsi》 Cazci Fatbiuj 《Haicauh Aen Gizmen Moq Hwngfat Ndei Saed

Guek Raeuz》 Bien Faenzcieng Youqgaenj Siz Ginbingz Cungjsuhgi

Sinhvazse Baekging 6 nyied 15 hauh dienh Geiz daihcibngeih 《Giuzsi》 Cazsi 6 nyied 16 hauh okbanj haenx fatbiuj 《Haicauh Aen Gizmen Moq Hwngfat Ndei Saed Guek Raeuz》 bien faenzcieng youqgaenj Cunghgung Cunghyangh cungjsuhgi、Guekgya cujsiz、Cunghyangh Ginhveij cujsiz Siz Ginbingz. Neix dwg gij cietmoeg lwnhgangj youqgaenj Siz Ginbingz cungjsuhgi mboengq 2017 nienz 10 nyied daengz 2024 nienz 3 nyied.

Faenzcieng naeuz, seizdaih moq guek raeuz ginghci hwngfat dwzcwngh, couhdwg gou youq ndaw Cibgouj Daih baugau daegbied gangj daengz, guek raeuz ginghci gaenq daj duenh demmaj riengjvaiq cienjcoh duenh hwngfat ndei saed. Hwngfat ndei saed dwg aen cawjdaez “cibseiq haj” caiqlij duenhseiz engq raez guek raeuz ginghci sevei hwngfat, dwg aen yinvu daihdaeuz cienzmienh hwnqguh guek- gya yendaiva sevei cujyi. Mboujmiz giekdaej dinfwngz doxgaiq maenh- dwddwd, couh mbouj ndaej cienz- mienh hwnqbaenz aen guek ak yendaiva sevei cujyi. Gwnz roen moq hwnqguh aen guek ak、minzcuz fukhwng, raeuz aeu dingjmaenh mbouj bienq doidoengh hwngfat ndei saed.

Faenzcieng naeuz, hwngfat ndei saed, couhdwg gij hwngfat ndaej hawj ndwenngoenz gyaeundei lwgminz ngoenz ndei gvaq ngoenz de habhoz, dwg gij hwngfat yienh’ok leixniemh hwngfat moq, dwg gij hwngfat cauhmoq bienqbaenz doenghlig daih- it、hezdiuz bienqbaenz daegdiemj baihndaw、saekheu bienqbaenz yiengh bujben、hailangh bienqbaenz diuzroen aeu gvaq、caezyungh bienqbaenz gaenbonj muzdiz. Naeuz engq cingcuj, hwngfat ndei saed, couhdwg daj “miz mbouj miz” cienjcoh “ndei mbouj ndei”.

Faenzcieng naeuz, gyavaiq saed- yienh gohgi suijbingz sang gaglaeb gaggiengz, dwg diuzroen aeu gvaq doidoengh hwngfat ndei saed. Gyavaiq cauhlaeb aen gwzgiz hwngfat moq, dwg gizgoek canloz doidoengh hwng- fat ndei saed. Hwngfat yiengh swnghcanjlig ak moq dwg gij iugouz baihndaw caeuq giz okrengz youq- gaenj doidoengh hwngfat ndei saed. Dingjmaenh hwngfat ndei saed bienq- baenz gij neiyungz youqgaenj lingj- dauj ganbu cwngcizgvanh, gak dieg aeu giethab cingzgvang saedsaeh, ciuq dieg bae guh、aeu gij ndei bouj gij yaez, byaijok diuzroen hwngfat ndei saed hab bonjdieg saedsaeh.

Faenzcieng daegbied gangj daengz, raeuz aeu geiqmaenh hwngfat ndei saed dwg aen dauhleix genq seizdaih moq, caezcingj、cinjdeng、cienzmienh gvancez aen leixniemh hwngfat moq, ciuq dieg bae guh gyavaiq hwngfat yiengh swnghcanjliz ak moq, dawz gyavaiq hwnqguh aen ginghci dijhi yendaiva、doicaenh gohgi suijbingz sang gaglaeb gaggiengz、gyavaiq cauhlaeb aen gwzgiz hwngfat moq、dungjcouz doicaenh gaijgwz lai laeg caeuq haicuengq suijbingz sang、dungjcouz hwngfat ndei saed caeuq ancienz suijbingz sang daengj canloz yinvu doek daengz dieg, laebcaez doidoengh aen gaujhaed bingzgya dijhi hwngfat ndei saed, vih doidoengh hwngfat ndei saed guh maenh giekdaej. Aeu maeuzveh banhfap hungnaek caenh’itbouh cienzmienh haeujlaeg gaijgwz, laebdaeb ok rengz hung doidoengh hwngfat ndei saed、doicaenh yiengh yendaiva Cungguek.