Laj go faexcuk henzhamq、 aen saz gwnzdah、aen gvangjcangz diegbaeyouz cungj dingqnyi singfwen goksat, gyoengqde haenh aen dangj, eu saedceij ndei, ciengq cingzngeih naekna daengj, mwngz eu liux daengz gou, gig nauhyied. 6 nyied 1 hauh, Hozciz Si Lozcwngz Mulaujcuz Swciyen Vaizginz Cin gaiq daih’it hozdung vwnzva lijyouz bya raemx caeuq doxdax eu fwen Bouxcuengh youq Aen Diegbaeyouz Denhmwnzsanh haiguh. Yienhciengz miz doxdax eu fwen Bouxcuengh、gwn laeujdaizraez、biujyienj vwnzva minzsug、baijok gaiqgwn gaiqfeih、angq gaemh bit gaemh bya、baijgai huqdoj daengj.

Gyawj geij bi neix, aen cin neix mboujduenh ceihleix vanzging lajmbanj, haivat doxgaiq lijyouz miz gij daegsaek deihfueng, hwnqguh aen cin vwnzlij, doidoengh vwnzlij doxyungz hwngfat, daiqdoengh ginghci gwnzbiengz demlai, coenghrengz lajmbanj saenqhwng.

（廖光福/Liu Gvanghfuz 韦如代/Veiz Yuzdai 蒙 亿/Mungz Yi）