Mboengqneix, Liujcouh Siveij Cangzveijvei saemjlwnh doenggvaq le 《Aen Fueng’anq Faenhong Liuj- couh Si Cienzmienh Gvancez Guhsaed 》. Aen fueng’anq daegbied iugouz aeu hopndaet couqmaenh gij eiqsik caezcaemh Cunghvaz Minzcuz diuz sienqmeh neix, maenhsaed doicaenh caezsim couq hoenz、baenzmiz、coi huzndei、gyonjcomz saekheu、fuengzre ndei、guh dazyinx、guh lwnhgangj daengj caet aen hengzdoengh, dajcauh buek binjbaiz youqgaenj caeuq hanghmoeg guhyiengh ndeu. Neix youz siveij cangzveijvei dawzrap, 20 aen danhvei caez guh caez guenj caez doicaenh, laebdaeb gyamaenh aen cwngzgoj cauhlaeb aen si guhyiengh minzcuz doxgiet baenaj daengx guek.

Aen fueng’anq neix daezok gij siengjfap hwngfat gohyoz caeuq 27 diuz fuengfap saedguh, haeujsim doicaenh gunghyezva moq、hwnqguh aen singz ceiqcauh yienhdaih, yienh- ok gij daegsaek Liujcouh. Gij hong neix youh cienzmienh gven daengz cwngci、ginghci、vwnzva、saehnieb gwnzbiengz、swnghdai vwnzmingz caeuq gij gensez aendangj daengj fuengmienh, haenqrengz dajcauh aen yienghbanj Liujcouh.

（覃振江/Cinz Cin’gyangh 颜纯欣/

Yenz Cunzyinh）