Gozminzdangj cwngfuj,Gag mbek guh song bang,Bang coux guk haeuj ranz,Bang ok bing dingjmoeb.Vangh Cinghvei hemq naeuz,Guek raeuz bing mbouj ak,Ngoenzneix mbwn yaek lak,Yied cak cix yied dai.Ciengj Gaisiz guhloq,Byaij loh gvangq loh bingz,Baengh Yingh-Meij ok bing,Ndaej dwk hingz Yizbwnj.Mauz Cwzdungh lai gvai,Raiz miz faenzcieng moq,Faensik ndaej gvaqdoh,Dingj nanz rox ndaej hingz.Yizbwnj yienznaeuz ak,Lumj mabag famh vunz,Daekcoih daengx lajmbwn,Rox deng vunz dwkbaih.Raeuz dieg gyaeu vunzgvai,Vunzlai caez hen guek,Daengx gyoengq lwgminz buek,Daengzcog itdingh hingz.Bouxdaeuz rox naemj ciek,Raeuz doxgiet miz rengz,Caezgya gen baengh gen,Geng baenz gang baenz diet.5. Gag Doxdwk NdawranzBak ci rumz mbouj gyae,Fwngz raez mbouj gvaq geuq,Doi feiz hoenzngeungeu,Fwnz liux boq mbouj dawz.Cungguek raeuz dieg gvangq,Cienqsienq(cansen) rangh daiq gyae,Bing Yizbwnj sanq bae,Ciengzseiz goq mbouj gvaq,Doxgap mbouj ndaej nanz,Vanzgubai ra saeh,Duzma cungj ngah haex,Yawz ndaej gaij mbouj gwn.Laux Ciengj soeng gaemz heiq,Gag ngeix hwnj ngeix roengz,De yaek guh “duzlungz”,Mbouj ndaej yungz “duzguk”.Lumj moed raih ndawsim,Lumj fagcim camz hangx,Naeuz baetcawz Gungdangj,“Ndaej dingz langh dingz rumz”.“Fuengzre” youh “gamhanh”,Cien bing fanh max laengz,Cuengq daemz dangj bwnz saeng,Gyaeng bya dai ndaw dwngj.

（21）