Yizbwnj roemx haeuj dou,Aen biengz raeuz yungyiemj,De fatguengz hangzciemq,Cungj cienzmienh haeuj bing.Goz Gung caiq doxgap,Caez rap hoh guekgya,Mbouj hawj Yizbwnj ha(hangz),Caez hen gya hen guek.Cingqmienh cujcancangz,“Vangzginh” (皇军) dangq fangzyak,Gozginh dingj mbouj ak,Fai lak dangj raemxrongz.Daizwzcangh haenq souj,Vahyenzgouj caq daez,Cibhaj ndwen gvaqbae,Song baez senj soujfuj.Yizbwnj haeuj Namzging,Daengxsingz deng cainanh,Ienhoenz samcib fanh,Mbouj rox famh yienghlawz.Bingdoih Gungcanjdangj,Ngeix ikfanh lwgminz,Daengxdangj caemh diuzsim,Haenq moeb bing Yizbwnj.Moeb haeuj dieg baihlaeng,Lumj doihgaeng riengjret,Ngamq lij diuqyetyet,Baenqlet mbouj raen ngaeuz.Ranghdieg vunzdig ciemq,Cienqsienq raez youh raez,Bazluginh miz mbei,Ngoenzngoenz bae dwk luenh.Bouxboux mbouj lau dai,Hairengz bae hoenxciengq,Bingzhingzgvanh cungq yiengj,Vangzginh ndiengq mbouj baenz.Lij youq Yenmwnzgvanh,Bueklanh dwk ndaej hingz,Doengzseiz youh baij bing,Dwk bingz Yangzmingzbauj.Sinhswginh baihnamz,Gannanz guh dingj hoenx,Va hai va youh loenq,Dingj hoenx geijlai bi.Cin’gyangh dwk fangzyak,Bouxak boenqrengreng,Yizbwnj lau ndanggeng,Deng moeb deuz mbouj ndaej.4. Dingj Nanz Rox Ndaej HingzGyoengq roeg caemh aenndoeng,Duz mbouj doengz duz heuh,Mbangj duz haen gwnzgeuq,Mbangj duz heuh lajnaz.（21）