Gyawj geij bi neix doxdaeuj, Nanzdanh Yen baengh gij swhyenz diuzgen ndei、swhyenz feihyiz lai haenx caeuq gij yienghndei minzcuz daegbied de, mboujduenh guh ndei aen daihbuenz canjnieb vwnzlij, guh hung guh ak canjnieb vwnzlij, doidoengh vwnzlij yungzhab daengx yienh cauhmoq hwngfat、guh ok cingzcik moq. Bineix aen geiqdoh daih’it, daengx yienh ciepdaih hekyouz 162.74 fanh vunz, beij bi’gvaq mwhhaenx lai le 66.93%; lijyouz siu- yungh 16.68 ik maenz ngaenz, beij bi’gvaq mwhhaenx lai 56.43%.

Nanzdanh gaenxmaenx doi- caenh aen muzbyauh “aen singz habyouq baeyouz ndoj raemh”, mboujduenh dajcauh aen binj- baiz lijyouz “dieg ndei baeyouz ndoj raemh aen mbanj Yauz- vaqhau seiqgyaiq”. Seizneix, ndawyienh miz 13 aen dieg- baeyouz guekgya A gaep, ndawde aen diegbaeyouz 4 A gaep miz 8 aen. Nanzdanh yungh lix swh- yenz feihyiz, aeu cazduzroeg、diengz aennyenz、ding langhbaij buhvaq、dieg saeg buh Yauzcuz、haw gaiqgwn daengj bae baij ok gij vwnzva cienzdoengj minzcuz Yauzvaqhau, hawj vunzlai daej- niemh caemhcaiq rox gij vwnzva feihyiz Nanzdanh. Yienh de lij hwngfat ginghci seizciet. Youq cieng、ciet vamaenj、 ciet va- ngaeux、ciet soulai daengj ciu vunz daeuj, hwnq dieggiek、guh diegdoz lajmbanj, hawj ginghci seizciet doidoengh ginghci gwnz- biengz hwngfat.

（罗丹荣/Loz Danhyungz 龙星荟/Lungz Singhvei）