Nanzningz Si caeuq Huhhozhaudwz Si hop- ndaet couqmaenh gij eiqsik caezcaemh Cunghvaz Minzcuz diuz sienqmeh neix, haeujlaeg gvancez guhsaed gij swhsiengj youqgaenj gvendaengz gyagiengz caeuq gaijndei hong minzcuz Siz Gin- bingz cungjsuhgi. Caemhcaiq gyagiengz doidoengh 《Gij Saw Hezyi Hozdung “Sin Siu Caez Hengz” Song Dieg Hamj Dieg Caez Cauh Guhyiengh Minzcuz Doxgiet Baenaj Caeuq Caez Guh “Sam Aen Suenqveh”》 Huhhozhaudwz Si Sinhcwngz Gih- veij Dungjcanbu caeuq Nanzningz Si Cinghsiu Gih- veij Dungjcanbu ciemdingh haenx ndaej hengzguh raen cingzcik.

Geij ngoenz gonq, Nanzningz Si Sinhhingh Minzcuz Yozyau caeuq Huhhozhaudwz Si Sinhcwngz Gih Haijlah’wj Siujyoz hamj swngj （gih） doxcomz gwnzmuengx, diuq foux eu fwen doxhuz, caez eu hot fwen 《Hwnj Bya Seizcin》. Gyoengqde youq gwnz- muengx guh aen yizsiz hagdangz hamj dieg doxgap caez cauhlaeb minzcuz doxgiet baenaj, doidoengh gij hong minzcuz song aen hagdangz youq gijsei son- gyauq caezyiengj、caez hwngfat、doxhag gingniemh daengj fuengmienh guh ndaej engq laeg、engq ndei. Baezneix youq gwnzmuengx dap daiz hawj lauxsae lwghag gak minzcuz ndaej “sam gyau”, doekceh couqmaenh gij eiqsik caezcaemh Cunghvaz Minzcuz haeuj ndawsim lwghag, langhbaij gij yienghndei hoenghhwd lwgnyez seizdaih moq, coicaenh lwghag gak minzcuz doxrox、dox aeueiq、doxhag. Neix cix yienh’ok gyoengqde gyaezmaij guekcoj、caezhoz doxgyaez, gyonjcomz rengzmbwk “Cunghvaz Minz- cuz ranz vunz ndeu doengzsim caez guh loqsiengj Cungguek ”.（韦雪妍/Veiz Sezyenz）