4 nyied 26 hauh dwg ngoenzhaw Cingsih Si Lungzbangh Cinz, Diuz Haw Lungzbangh vunzlai henzguek Cunghgoz、Yeznanz daeuj haw, hongh haw hongh gai vunz ndaetfwdfwd, vunz lai vunz daih, nauhyied dangqmaz. Ngoenzde, Bwzswz Si “Sam Nyied Sam Gvangjsih · henzguek aeu fwen bae cienz fap” caeuq gij yizsiz aen haw vwnzyi laeng mwh Cunghgoz、Yeznanz ganjhaw lajmbanj lwnh fapceih youq Diuz Haw Lungzbangh haiguh. Yienhciengz lij guh vwnzyi biujyienj, aeu eu fwen、douz lanzgiuz、 ndek gyongx youzyenz、dajgaj daengj lai fuengsik bae lwnhgangj faplwd. Gak aen danhvei fat swhliu、hoizdap vunzlai camcaz faplwd, lwnh gij cihsiz gvendaengz gij rengz henhoh ancienz guekgya、guenjleix henzguek、fanjdoiq sezgyau caeuq dwkgoemj、cwngcwz minzcuz daengj. Hozdung neix gaenxmaenx doicaenh vwnzva fapceih caeuq vwnzva minzsug cienzdoengj deihfueng doxyungz hwngfat, cauhmoq aeu fuengsik miz gij daegsaek minzcuz bae lwnh faplwd, coicaenh lwnhgangj fapceih haeuj lajmbanj, haeuj daengz ndwenngoenz vunzlai bae.

(巴耀文/Bah Yauvwnz)