Bonjbauq siusik （gicej Loz Denh） 4 nyied 19 hauh, gij hozdung ngoenz daih’it bi 2024 “aen singhgiz saw hom Gvangjsih” youq Nanzningz Gozci Veicanj Cunghsinh haiguh. Gvangjsih Yinzminz Cuzbanjse caeuq Nanzningz Swhfan Dayoz Vwnzyozyen caez aeu yienghndei ciuhgeq langhbaij 《“Sam Nyied Sam”Ndaw Vwnzva Cienzdoengj Cunghvaz》. Baenz buek biujyienj dazyinx bouxdoeg dauq- ma ciuhgonq, bae yawj “Sam Nyied Sam”, lai rox gij vwnzva cienzdoengj、dungxcaiz Cunghvaz Minzcuz, baijok caeuq haivat gij yienghndei daegbied caeuq gijndei yienhdaih de. Bonj saw 《“Sam Nyied Sam” Ndaw Vwnzva Cienz- doengj Cunghvaz》 gangj gij lizsij caeuq vwnzva ciepcienz “Sam Nyied Sam”, soucomz cingjleix le gij cienznaeuz gojgaeqfangz, raizok youq gak aen seizgeiz lizsij, aen ciet neix dwg baenzlawz bienqvaq, geqgangj gij yizsiz hozdung “Sam Nyied Sam” daengx guek gak dieg, veh’ok mbaw veh vwnzva cienzdoengj Cunghvaz ndeiyawj gyaeundei ndeu.