Bonjbauq siusik （gicej Vangz Yinz Vangz Yijyinh）4 nyied 19 hauh, bi 2024 Gvangjsih buek hozdung “Sam Nyied Sam hoenghhwd · langhbaij dijyuz minzcuz” youq Gveilinz Si Gozci Veicanj Cunghsinh haiguh. Baez doxdax neix guh sam ngoenz, miz doxdax ciengj bauqva、dwk giuzcinhcuh、caij maxfaex daengj 17 aen hanghmoeg. Doengh aen doih daibyauj gungh 1200 lai boux yindungyenz laeng Yeznanz、Majlaizsihya, caeuq guek raeuz Bwzgingh、Gvangj- dungh、Gvangjsih、Haijnanz、Yanghgangj、Aumwnz daengj daeuj Linzgvei Gih camgya hozdung.

Caengz haimuq, sien doxdax aen hanghmoeg biujyienj caeuq diuq caulienhndang, caemhcaiq biujyienj caijdinvenz、fouxfaexsaux daengj cezmuz miz gij daegsaek minzcuz. Yienhciengz lij baijok gij vwnzva、lwnhgangj faplwd cihsiz dijyuz, baijgai ranz、ci、gaiqgwn daengjdaengj.

4 nyied 11 hauh daengz 5 nyied 11 hauh, gih raeuz yaek guh bi 2024 buek hozdung “Sam Nyied Sam hoenghhwd · langhbaij dijyuz minzcuz”, yienh’ok gijndei dijyuz cienz- doengj siujsoq minzcuz Gvangjsih, coicaenh gak minzcuz “samgyau”caeuq minzcuz caezhoz, doidoengh gwnzbiengz ginghci Gvangjsih youh ndei youh vaiq hwngfat.