Bonjbauq siusik(gicej Veiz Yingjcinh) 4 nyied 19 hauh, 2024 “buhvaq gyaeundei” langhbaij ndang- daenj minzcuz Gvangjsih youq Nanzningz Si Lij Ningz Dijyuzyenz banh, 170 lai doiq buhvaq ciuhgeq feihyiz、buhvaq seizhwng minzcuz、buhvaq minzcuz lwgnyez doxlwnz hwnj daiz langhbaij，yienj ciengz heiq minzcuz vwnzva ndeu hawj bouxyawj yawj.

Dangguh aen hozdung youqgaenj bi 2024 “Sam Nyied Sam Gvangjsih·aen ciet angq Betgveiq” ndawde aen ndeu, baez langhbaij buhvaq neix muzdiz dwg gvancez doeksaed gij canloz anbaiz Swcigih Dangjveij、Swcigih Yinzminz Cwngfuj gven- daengz hwnqguh aen gih ak vwnzva lijyouz caeuq aen dieg seiqgyaiq lijyouz, caenh’itbouh fatyiengz gij cingsaenz vwnzva cienzdoengj maenh- ndei Cunghvaz, doidoengh vwnzva lijyouz doxyungz laegdaeuq, cauhlaeb aen gyaranz cingsaenz caemhmiz vunzlai gak cuz, couqmaenh gij eiqsik caezcaemh Cunghvaz Minz- cuz.

Daengx ciengz langhbaij ndang- daenj faenbaenz “ranzcoj yocangz——langhbaij ndangdaenj ciuhgeq minz- cuz cojyouq Gvangjsih”“buhmoq gyaeuget——langhbaij ndangdaenj seizhwng feihyiz”“buhvaq lwgnyez dwggyaez——langhbaij ndangdaenj minzcuz lwgnyez” sam aen biencieng, ndawde “ranzcoj yocangz” langhbaij gij ndangdaenj ciuhgeq gyaeundei Gvangjsih 12 aen minzcuz cojyouq, “buhmoq gyaeuget” langhbaij ndang- daenj daihneix gig miz minzcuz funggek,“buhvaq lwgnyez dwggyaez” langhbaij ndangdaenj lwgnyez daih- neix gyahaeuj minzcuz yenzsu. Sam aen biencieng aeu minzcuz yenzsu caeuq ndangdaenj daihneix、dinfwngz feihyiz caeuq seizhwng funggek、daengx doiq ndangdaenj caeuq gaiqdawz dapboiq daengj doxyungz ndeindi, cienzmienh langhbaij gij vwnzva ndangdaenj minzcuz Gvangj- sih lai cungj lai yiengh, lwnhgangj gij yinxdaeuz minzcuz vwnzva Betgveiq caeuq seizdaih neihanz.

Ciuq cam rox, daj bi 2022 daengz seizneix, aen hozdung neix gaenq guh baenz sam gaiq, hozdung doenggvaq gij hingzsik cwngfuj cujdauj、giyez camgya, dajcauh aen binjbaiz seiz- hwng hab vunzlai, cugyamq bienq- baenz aen bingzdaiz youqgaenj baengh “seizhwng” lienzdoengh daengx guek、byaij coh seiqgyaiq.