4 nyied 11 hauh, bi 2024 Cunghvaz ranz ndeu——gak minzcuz Gvangjsih Daizvanh angq gvaq “Sam Nyied Sam Gvangjsih” daihlienzvuen hozdung youq Gvangjsih Nanzningz guh. Guekgya Minzveij fucujyin Goz Veibingz、Haijyaz Song Hamq Gvan- haeh Hezvei fuveicangj Vangz Vwnz- dauh、Gvangjsih Bouxcuengh Swcigih fucujsiz Liu Binjhuj camgya hozdung caemhcaiq gangjvah. Song hamq beix- nuengx 500 lai boux doxcaez gvaq ciet.

Mwh hozdung bouxyienj Gvangj- sih caeuq Daizvanh fwngz doxdaz、sim doxlienz yienj go foux miz minzcuz daegsaek, gyoengq boux hekgviq Gvangjsih Daizvanh gaenx- maenx caeuqfaenh, yienhciengz nauh- yied raixcaix.

Hozdung yienhciengz lij laeb miz dieg langhbaij feihyiz caeuq dieg daejniemh dem, boux hekgviq camgya hozdung doxcaez caeuqfaenh daejniemh raedceij、buenzgaeuq、muhmeh daengj gij dinfwngz cauhguh gig miz minzcuz daegsaek Gvangjsih, roxnyinh gij vwnzva ciuhgeq maenh- ndei Cunghvaz gvangqlangh naek- laeg.

Baez hozdung neix dwg Guekgya Minzcuz Swvu Veijyenzvei、Gozvuyen Daizvanh Swvu Bangunghsiz caeuq Gvangjsih Bouxcuengh Swcigih Yinz- minz Cwngfuj caezcaemh cawjbanh. Cunghvaz ranz ndeu——gak minzcuz Gvangjsih Daizvanh angq gvaq “Sam Nyied Sam Gvangjsih” daihlienzvuen hozdung gaenq guh baenz 8 gaiq, bienqbaenz aen bingzdaiz youqgaenj gak minzcuz Gvangjsih Daizvanh doxcunz doxgyau doxyungz.

(Vangz Yinz Gangh Loz)