Bibi cungj miz Sam Nyied Sam,

Beixnuengx sim van angq dangqmaz,

Seiqlengq beijfwen goksasa,

Roq gyong ndaek laz daeuj boiqhab.

Goreux hai va dujduj hoengh,

Lwglan Bouxcuengh gyaez ciengq go,

Angq ciengq hungmbwk seizdaih moq,

Angqciengq Cunghgoz gyaeu youh

lengj.

Minzcuz vwnzva dwg binjbaiz,

Ngoenzneix hai daiz doengz guh beij

(fwen),

Angqcoux bouxhek youq cien leix,

Nda daiz guh beij caj mwngz daengz.

Sai mbwk laux coz doengz ciengq go,

Minzcuz doxgiet va rim bya,

Ngoenzngoenz cungj youq ndaw fwen

gvaq,

Cien vunz aj bak fanh vunz riengz.

Gou dwg Mbanjcuengh roegvenz

nyaeq,

Mbin daeuj gizneix guh Fwencuengh,

Vwnzva gyaulouz caen miz muengh,

Va ndei hai hoengh rim gwnzbo.

Gou dwg duzrwi haeuj suenva,

Gou dwg duzbya haeuj dah gvangq,

Daeuj daengz hawfwen caen angq-

langh,

Coenz vah mbouj gangj sim gag hai.

Miz duz roegraeu youq daej rungh,

Fwen de nyungqnyungq mbouj rox

raez(haen),

Daeuj daengz hawfwen bungz roeggae,

Gungz lai couh raez(haen) song sam

bak.

Guengjsae bya ndei raemx hix ndei,

It nienz seiqgeiq mbungqmbaj mbin,

Beijfwen eu daeuj ceiq habsim,

Bouxhek dingq le mbouj ma ranz.

Vadauz cien duj comz gwnzbo,

Faexndoek fanh go gyonj gwnzbaq,

Beixnuengx doxgyaez mbaq deb mbaq,

Baihgwnz baihlaj sim doxmaij.

Roegraeu gyaez roengz reih lwgraz,

Vameiz gyaez soengz gwnz faex sang,

Gak cuz beixnuengx ceiq gyaez dangj,

Couh dangq gomiuz gyaez raemxraiz.

Hwnzloq Cungguek gaiq bouxminz,

Lajmbanj ndawsingz siengj doxdoengz,

Yiengq aen muzbyauh bae yungh-

goeng,

Raeuz dingh miz ngoenz baenz dahraix.

Diuz dah Yunghgyangh yiengq baih-

doeng,

Vareux hai mboeng coh daengngoenz,

Vunzlai riengz dangj byaij diuzroen,

Moqnaj ndwenngoenz ndei fanh daih.