3 nyied 10 hauh dwg liggaeuq ngeih nyied ngeih. Gyoengq beixnuengx Yauzcuz laeng Hocouh Si Fuconh Yauzcuz Swciyen Sinhvaz Yangh Mbanjhujmajlingj guh “ceizduzroeg”、 diuq fouxgyongnyag、ciengq fwenmbungqmbaj, caeuq beix- nuengx baengzyoux doxcomz, caez gvaq “cietbangxroeg”. Beixnuengx Yauzcuz dawz ceiz lai saek cap haeuj nyezfaexcuk bae, baek youq ndawnaz gyaeujreih、bakdou ranz、henz conghcueng, mbaenjgouz baenzbi fwn yinzfwd rumz huzswnh、gohaeux mbouj miz non dwk、haeuxliengz sou lai ndaej rim cang. Cienznaeuz, duzroeg gwn gij ceiz nyezfaexcuk, conghbak ngaiz nem dawz liux, couh mbouj caeg gwn gohaeux lo.

（Vangz Yuzhuz/黄旭胡）