Gyawj bi neix doxdaeuj, Gveilinz Si Hingh’anh Yen aeu couqmaenh gij eiqsik caezcaemh Cunghvaz Minzcuz guh sienqmeh, mboujduenh doicaenh gak minzcuz doxgyau dox baedauq doxyungz, guhlaeg guhsaed hong cauhlaeb minzcuz doxgiet baenaj.

Hingh’anh Yen daj gyaeuj daengz rieng cungj genhciz aendangj cienzmienh dazyinx hong minzcuz, guh aen siujcuj dazyinx hong cauhlaeb, dawz hong cauhlaeb yungz- haeuj cingzcik caeuq cwngci cazyawj ndawde bae, hwnqguh “buenz geiz”gak bouhmonz gapguh、daengx biengz camgya ndeu.

Hingh’anh Yen aeu canjnieb miz daegsaek coenghrengz ginghci hwng- fat, haenqrengz guh doengh aen goengcingz “bak mbanj guhyiengh、cien mbanj cingjceih”, cauhlaeb 10 aen gih guhyiengh haedsim guh nungzyez yienhdaih miz daegsaek, lai douzhaeuj guh canjnieb、suijli coq- raemx、diuzmuengx saenqsik, mbouj- duenh hawj dieg minzcuz engq dox- dam doxdoeng.

Hingh’anh Yen aeu Aen Boz- vuzgvanj Lingzgiz, dajcauh aen binj- baiz son’gyauq “rumz moq Lingzgiz daih goqdangz”, guh gyangjco cien- daez son cihsiz cauhlaeb minzcuz doxgiet baenaj, fat siusik goeng’ik lwnh cauhlaeb hawj vunzlai, fat le 2 fanh lai mbaw swhliu lwnh minzcuz doxgiet, guh “Sam Nyied Sam”Gvangjsih、cietfaenj、Cietbuenzvuengz daengj hozdung, coicaenh gak minzcuz doxgyau, demlai cingzeiq.

（Cangh Cauhveih/张超威）