Gietsim caezhoz caemh rap naek, haenqrengz buekguh bongh baenaj. Cungguek Yinzminz Cwngci Hezsangh Veiyi Gaiq Daih Cibseiq Daengx Guek Veijyenzvei Baez Hoih Daihngeih 4 hauh banringzgvaq youq Yinzminz Daveidangz haimuq. 2000 lai boux Daengx Guek Cwnghez veijyenz yaek gaenjndaet hopheux gij gezcwz baijbouh Cunghgung Cunghyangh, geiqmaenh mbaqrap cwngci, gaenx- maenx ok geiqmaeuz, caezcaemh raiz bien faenzcieng gyaeundei yiengh yendaiva Cungguek. Doengh boux- daeuz dangj caeuq guekgya Siz Ginbingz、Lij Gyangz、Cau Lozci、Cai Giz、Dingh Sezsiengz、Lij Hih、Hanz Cwng daengj youq cujsizdaiz naengh, cukhoh daihhoih hai. Vangz Huningz daibyauj Cwnghez Gaiq Cibseiq Daengx Guek Veijyenzvei Cangzvu Veijyenzvei, coh daihhoih guh gunghcoz baugau.

Vangz Huningz naeuz, bi 2023 dwg bi hainduj cienzmienh gvancez doeksaed gij cingsaenz Cunghgung Ngeihcib Daih, Cunghgung Cungh- yangh aeu Siz Ginbingz dungzci guh goek de doxgiet daiqlingx daengx dangj daengx guek gak cuz bouxminz, dingjmaenh gij giekdiuh guhhong ndaw onj baenaj, laebdaeb buekguh、haenqguh baenaj, giengiet haekfug hojnanz ndaw rog, cienzmienh haeuj- laeg gaijgwz haicuengq, hwngfat ndei saed netsaed doicaenh, gohgi cauhmoq ndaej miz cungbyoengq moq, ancienz hwngfat giekdaej gyamaenh guhsaed, ndwenngoenz bouxminz baujcang ndeiraeuh, ginghci sevei hwngfat cujyau yawhgeiz moegbiu guh ndaej baenz, sevei daihbuenz bauj onjdingh, cienzmienh hwnqguh aen guekgya yendaiva sevei cujyi hamjok yamq- din maenhdwd, gyalai gij saenqsim caeuq daejheiq daengx guek gak cuz bouxminz lai raeuh.

Vangz Huningz cungjgez hong yinzminz cwnghez gvaqbae bi ndeu neix. De naeuz, ndaej daengz Cungh- gung Cunghyangh aeu Siz Ginbingz dungzci guh goek giengiengz lingjdauj, Cwnghez Daengx Guek Veijyenzvei caeuq aen cangzvu veijyenzvei de dingjmaenh aeu aen swhsiengj sevei cujyi miz daegsaek Cungguek seizdaih moq Siz Ginbingz guh dazyinx, cienzmienh gvancez gij cingsaenz Cunghgung Ngeihcib Daih caeuq Ngeihcib Gaiq Ngeihcung Cienzhoih, haeujlaeg roxyiuj gij gietdingh yiyi “song aen dinghlaeb”, gyagiengz “seiq rox”、giendingh “seiq aen gagsaenq”、guh daengz “song aen henhoh”, dingjmaenh doxgiet caeuq minzcuj song aen cawjdaez hung, dingjmaenh gij dinghvih singqcaet yinzminz cwnghez, dingjmaenh youq ndaw daihbuenz guhhong dangj caeuq guekgya maeuzveh doicaenh hong cwnghez. Dingjmaenh Cungguek Gungcanjdangj cienzmienh lingjdauj hong yinzminz cwnghez、dawzmaenh cwngci fuengyiengq cinjdeng guhhong, daezsang cwngci naengzlig caeuq guhhong bonjsaeh, laebcaez aen dijci guhhong cidu, gvancez gij iugouz daihhwng diucaz yenzgiu Cunghgung Cunghyangh、daezsang diuyenz yicwng caetliengh, hopheux gij baijbouh hungnaek Cunghgung Ngeihcib Daih caemciek yicwng、fugsaeh dangj caeuq guekgya cungsim yinvu, hengzguh gij hwngfat swhsiengj aeu bouxminz guh goek、bangdoi baujcang caeuq gaijndei ndwenngoenz bouxminz, soujcingq cauhmoq、doxgiet buekguh, miz liggaiq Daengx Guek Cwnghez dwk roengz giekdaej ndei, gak hangh hong aeundaej cingzcik moq, fugsaeh dangj caeuq guekgya saehnieb hwngfat guh’ok goengrengz moq.

Vangz Huningz naeuz, bi 2024 dwg Cunghvaz Yinzminz Gunghozgoz laebbaenz 75 hopbi, dwg bi gvanhgen guh baenz “cibseiq haj” gviveh moeg- biu yinvu, hix dwg yinzminz cwnghez laebbaenz 75 hopbi. Yinzminz cwng- hez yaek dingjmaenh aeu aen swh- siengj sevei cujyi miz daegsaek Cungguek seizdaih moq Siz Ginbingz guh dazyinx, cienzmienh gvancez gij cingsaenz Cunghgung Ngeihcib Daih caeuq Ngeihcib Gaiq Ngeihcung Cienzhoih, dingjmaenh dangj lingj- dauj、doengjit camhsienq、caemciek minzcuj giethab ndeindi, gaenjndaet hopheux doicaenh yiengh yendaiva Cungguek bae guhhong, doicaenh swhsiengj cwngci yinxlingx, gaenx- maenx ok geiqmaeuz, gvangqlangh comz doxrox, gyagiengz lienh ndang- gaeuq, vih guh ndaej baenz daengx bi ginghci sevei hwngfat moegbiu yinvu comz dungxcaiz caeuq rengz.

(daj Sinhvazse aeu daeuj hoiz)