Gaiq Cibseiq Daengx Guek Yinzda Baez Hoih Daihngeih 5 hauh banhaet 9 diemj youq Baekging Yinzminz Daveidangz hai, Siz Ginbingz caeuq doengh bouxdaeuz guekgya camgya daihhoih.

Gwnz hoih, Lij Gyangz cungjlij coh Gaiq Cibseiq Daengx Guek Yinzda Baez Hoih Daihngeih guh cwngfuj gunghcoz baugau, yaudenj youq baihlaj:

Dauqyawj gij hong bi 2023

Ndaw guek swnghcanj cungjciz demmaj 5.2%

Haeuxliengz guh ndaej baenz 1.39 fanh ik gaen

Hawsingz demmoq couhnieb 1244 fanh boux

Daengx bi demmoq cienzsuiq ndaej bienzngeiz mauhgvaq 2.2 fanh ik maenz

Heiqci nwngzyenz moq soqgai ciemq daengx seiqgyaiq bijcung mauhgvaq 60%

Heiqci dienhdoengh、lijdenciz、huq gvanghfuz “sam yiengh moq” gai ok guekrog demmaj ca mbouj lai 30%

Gij moegbiu daeuz bineix

Ndaw guek swnghcanj cungjciz demmaj 5% baedauq

Hawsingz demmoq couhnieb 1200 fanh boux doxhwnj

Gihminz siuhfei gyaqcienz demlai fukdoh 3% baedauq

Haeuxliengz guh ndaej baenz 1.3 fanh ik gaen doxhwnj

Danhvei ndaw guek swnghcanj cungjciz naengzhauq gyangqdaemq 2.5% baedauq

Dingz hong youqgaenj bineix

Caizcwng：Haeuj ok yaek ciuq 3% anbaiz. Itbuen gunghgung yawhsuenq ceiok beij bi’gvaq gyalai 1.1 fanh ik maenz

Cwngfuj roengz goek：Yaek anbaiz deihfueng cwngfuj cienhangh feicaiq 3.9 fanh ik maenz. Cunghyangh yawhsuenq ndawgyang roengz goek yaek anbaiz 7000 ik maenz

Daegbied guekcaiq：Daj bineix hainduj yaek laebdaeb geij bi fathengz ciuciengzgeiz daegbied guekcaiq, cienmonz yungh youq saedhengz guekgya aen canloz hungnaek caeuq hwnqguh ancienz naengzlig gizdieg youqgaenj, bineix fathengz 1 fanh ik maenz gonq

Canjnieb coglaeng： Haibik liengswj gisuz、sengmingh gohyoz daengj doenghyiengh moq

Soqcih ginghci： Haiguh “vunzgoeng cinwngz+” hengzdoengh

Siuhfei：Gujli caeuq doidoengh huq siuhfei aeu gaeuq vuenh moq, daezsaenq cinwngz lienzdawz heiqci nwngzyenz moq、huq denswj daengj gaiq siuhfei hung

Ranzyouq：Gyalai hwnqguh caeuq gunghawj ranz baujcangsing, laebcaez aen cidu miz giekdaej gvendaengz ranzsanghbinj

Couhnieb：Aeu giengzvaq coicaenh bouxcoz couhnieb cwngcwz banhfap. Faenloih laebcaez lingzvued couhnieb fugsaeh baujcang banhfap

Saenqhwng lajmbanj： Youq daengx guek saedhengz aen cwngcwz baujyiemj gaiq goek caeuq souhaeuj sam loh haeux cujyau. Gyagiengz hwnqguh donghcungdienh、vuzliuz lienhgyoet、vaiqndenq boiqsoengq sezsih

Hawsingzvaq：Onjyamq saedhengz hawsingz vuenhmoq hengzdoengh. Doidoengh gaijgez doengh aen nanzdaez siujgih gaeuq gyacang laedienh、dingzci daengj

Gyauyuz：Haiguh giekdaej gyauyuz lai ndei daezcaet hengzdoengh. Doidoengh yozcenz gyauyuz doh leih hwngfat

Yihbauj：Gihminz yihbauj bouxvunz bingzyaenz caizcwng boujdiep biucinj daezsang 30 maenz

Sevei baujcang：Ngaenz ciengxlaux giekdaej gihminz singzmbanj biucinj daezsang 20 maenz, laebdaeb daezsang boux vunz duiyouh ngaenz ciengxlaux giekdaej. Youq daengx guek saedhengz aen cidu ngaenz ciengxlaux bouxvunz. Lai roenloh gyalai gunghawj fugsaeh dak ciengx

Haicuengq： Cienzmienh siu aen banhfap hanh cienz rog guek cinjhaeuj gizdieg hangzyez dajcauh, cuengqsoeng dienhsaenq、yihliuz daengj fuvuyez hawciengz cinjhaeuj. Daezswng lai bienhleih hawj boux vunz guek rog daeuj Cungguek guhhong、habsib、youzcet

Vanzbauj： Laebcaez haeujcoengh saekheu hwngfat caizsui、ginhyungz、roengz goek、gyaqcienz cwngcwz caeuq gvendaengz hawciengzvaq gihci

(Bonjbauq cunghab)