Mboengqneix, Hocouh Si Bingzgvei Gih guh bi 2024 aen “hengzdoengh rumzcin” caeuq aen hoih ciuvunz cigboq vihhong bang vunzlai senjdieg couhnieb. Yienhciengz miz vwnzyi biujyienj、 couhnieb bang- coengh、dap vwndiz faplwd、lwnhgangj cwngcwz couhnieb cauhnieb daengj hozdung. Miz 72 aen giyez youq gwnzhoih ciuvunz cuengq ok 2989 aen vihhong, 5000 lai vunz daeuj yienhciengz cam hong, 1.2 fanh lai vunz youq gwnzmuengx yawj cigboq, 1181 vunz yienhciengz caeuq giyez gangjbaenz hong. Neix coicaenh vunzlai senjdieg youq bakranz couh ra ndaej hong guh, caemh bang gyoengqde engq ndei yungzhaeuj ndwenngoenz moq hawsingz bae.

（Vangz Yiyingz/王钰滢 Moz Gyanghfung/莫江凤）