Gyawj geij bi neix, Cingsih Si gyagiengz vwnzlij doxyungz, coicaenh vunzlai gak minzcuz doxgyau dox baedauq doxyungz. 2023 nienz 12 nyied 28 hauh, Aen Goujan Goz- cisingq Cunghgoz Lungzbangh—Yeznanz Cazlingj haidoeng, vunzlai henzguek Cunghgoz、Yeznanz youq goujan guh daih lienzvuen. Seizde, hekyouz gak dieg foenfoen daeuj neix guhcaemz. Miz 1.6 fanh lai aen ci haeuj ok goujan, yaek miz 7 fanh vunz baedauq, daiqdoengh 23 aen bouqdaeuz gai huq Yeznanz Mbanj- baizgan souhaeuj 65 fanh maenz, doengh gij diemq gai gijgwn mbanj moq senj dieg cix souhaeuj yaek miz 15 fanh maenz.

“Maksahdangzgiz Iq” Gvangjsih youq dunghbwz mizmingz le, bi 2024 co, hekyouz dunghbwz laebdaeb daengz Cingsih guhcaemz. “Makleiz Gyoet Iq” daeuj Cingsih yawj gijbya gijraemx gyaeundei Mbanjcuengh, cimz gaiqgwn miz daegsaek, daej- niemh yienghndei minzsug, gij vwnzlij baihnamz baihbaek dox baedauq raiz ok biencieng moq.

Luengq cieng, gak aen dieg- baeyouz Cingsih guh hozdung hai- cieng lai cungj lai yiengh. Aen Diegbaeyouz Giucouh guh foux lungz, Aen Diegbaeyouz Mboqhanq miz ruzva sienhanq cunzyouz, Aen Dieg- baeyouz Gizyangzhuz cix guh doiq- fwen caeuq gingqlaeuj, Aen Dieg- baeyouz Dunghlingz·Byagujlungz- sanh、 Aen Cin Geq Ginjsiu daengj youh cuengq ienva、haemhndaep youq lajmbwn yawj denyingj、guh ceiz niunwd muengh seizheiq ndei daengj hozdung mizyinx, yinx daeuj haujlai hekyouz camgya. Luengq cieng, daengx si ciepdaih 73.79 fanh boux hekyouz, lijyouz souhaeuj 4.5 ik lai maenz.

（Liengz Gyanghyinz/梁姜银 Cwnz Cin/岑 俊）