“Dangj raeuz couhlumj aen daengngoenz, ciuq dwk gwnzbiengz raeujrubrub, gwndaenj vuenyungz diemzsubsub, vadup hai hoengh cienz baengh dangj.” Moix baez byaij daengz aen giuzcangz caeuq gunghyenz ndaw mbanj, cungj dingq daengz ndaw mbanj mehlaux angqyangz dwk eu fwen.

Dwg ha, seizneix ndwenngoenz ndei lai lo, gwndaenj cungj mbouj you, guekgya lij hawj gak cungj ngaenz boujdiep ne. Danghnaeuz mwngz cib bi gaxgonq daeuj mbanj gou, mwngz haengjdingh gangj:“Aen mbanj neix nyaenxlai gungz, miz lwgmbwk cien- fanh gaej hawj de haq daeuj gizneix bw!” Hoeng seizneix, aenmbanj dou ranzranz laeuz sang’vid, lumj gung- dienh nei, diuzdiuz lohsuijniz gvangq- langh seuqswt, bingzbwd lumj feihgih- cangz nei, caemhcaiq moix diuz loh cungj cang miz lohdaeng, gyanghaemh ronghsag, caiqyawj ndaw mbanj aen gunghyenz, diegnywj heuswd, dujva haihoengh, diuzdiuz caijdaeng venj youq gwnz gyaeuj, daengz gyanghaemh couh lumj ndaw singz ityiengh ronghsag ndeiyawj……

Bi 2023 ndwencib cocib, ranz- mbanj gou aen gunghyenz gag comz ngaenz guh haenx guh ndei le, goenglaux couh cingj gak mbanj boux diuq foux caeuq eu fwen okmingz daeuj byaujyenj, gyong laz yiengj dungdung, haemhhaenx gou cij rox ranzmbanj bienq baenz ndei. Cawzliux dangj lingjdauj ndaej ndei, caemhcaiq dwg gyoengq beixnuengx ndaw mbanj okrengz, song beixnuengx ranz Cimz hawj 500 maenz, boux lauxsae singq Hoz gien 1000 maenz, boux lauxbanj ranz Couh ok 3000 maenz……Guh aen giuzcangz caeuq aen gunghyenz ndaw mbanj sou ndaej gak boux gien ngaenz ca mbouj geijlai miz 30 fanh maenz. Diuzloh gvangq youh bingz, aen giuzcangz lumj ndawsingz dijyuzgvanj nei miz bungz hoemq, aen gunghyenz vahai hoengzgywg, linghvaih lij guh diuz loh ngutngut ngeujngeuj ndeu heux seiqhenz gunghyenz, ndaw mbanj bouxlaux bouxcoz gwnhaeux le cungj daeuj diuzloh gunghyenz youzbyaij gangjriu…… Ndaw gunghyenz guh aen diengz ndeu, haujlai lwgnyez caeuq goeng buz cungj youq ndawde gangjriu gangjgoj, ndaw diengz seiz mbouj seiz cienzok baenz raq baenz raq singriu. Caiq byaij gvaq baihsae samcib lai mij, lijmiz aen ranz vaxliuzliz ndeu, daj gyae baez yawj lumj dwg aen diengz hawj vunz dingzdin yietliengz nei, hoeng aende cij dwg aen diengzhaex.

“Dangj daiq raeuz byaij diuzloh fouq, raeuz youq ndei raeuh caen vuenyungz, gya’gya hohhoh ndaej vut- gungz，bungz daengz ciuhneix angq- vauvau……” Sing fwen seiz mbouj seiz daj aen diengz gunghyenz cienz okdaeuj, gou dingq dwk ndawsim gig vuenyungz, muengh gyoengqsou miz seizgan daeuj ranzmbanj gou yawjyawj ba!

“共产党像红太阳，照得大地暖洋洋，幸福生活日子美，靠党雨露和阳光。”每次走到村里的球场旁及公园里，总是听到村里奶奶们及婶婶伯母们高昂、快乐的山歌对唱声。

是呀，现在生活真是好呀，不愁吃穿，国家还给群众各种福利补贴。如果你十年前来我的家乡，你肯定会说：“这个村那么穷，谁家有女儿千万不要给她们嫁到这里来啵！”看现在，我们村家家户户有小洋楼，像宫殿似的，一条条水泥路又宽又干净，犹如机场跑道一样，每条路旁都装好了亮堂堂的路灯，再看村里的小公园，碧绿的草地，火红的花儿，一条条彩灯挂在高空，一到晚上就像走在城市灯红酒绿的街道。

2023年十月初十，我们村的公园经过大家自筹经费修建竣工了，村老请附近有名的文艺队和山歌手来我们村演出助兴，听到锣鼓喧天，人声鼎沸，我才知道我们村变得那么漂亮了。在共产党领导下，在村里各位兄弟姐妹的努力下，覃家两兄弟捐款500元，何家一老师捐1000元，周家老板献出3000元……修建村里的球场和小公园就收到捐款差不多30万元。村里道路宽平，球场就像城里体育场似的盖着铁棚，公园里盛开着花朵。此外还绕着小公园修建一道弯弯曲曲的小路，村里的老少吃完晚饭后，经常在公园路上散步。公园里，还有一个特别的凉亭，许多娃娃和爷爷奶奶们经常在凉亭里说笑讲故事，时不时有笑声从公园凉亭里传出来。再向西走三十来米，我们可以看到一个用琉璃瓦盖的房子，不要以为那是给人休息的，那是厕所噢。

“党领咱走致富路，日子越过越幸福，家家户户脱穷帽，生活快乐又富足……”山歌声时不时从公园的凉亭传来，我听着心里美美的，希望远方的客人有时间来我的家乡看看吧！

(lauxsae sonyinx: Luz Dunghginz/指导老师：陆冬群）