Cungguek Yinzminz Cwngci Hezsangh Veiyi Gaiq Cibsam Gvangj- sih Bouxcuengh Swcigih Veijyenzvei Baez Hoih Daihngeih guh sat gak hangh hong daihhoih le, 1 nyied 25 hauh banhaet youq Nanzningz hai sat.

Swcigih Dangjveij suhgi Liuz Ningz、Swcigih cujsiz Lanz Denhliz camgya aen hoih bixmuq. Aen hoih youz Swcigih Cwnghez cujsiz Sunh Daveij cujciz.

Vangz Sinhfu、Ciz Sauconh、Fei Ciyungz、Vangz Cinvaz、Cenz Yoz- mingz、Couh Cwngzfangh、Vangz Naijyoz、Vuh Gyahsi、Liuz Yungjmeiz、Bungz Genmingz caeuq Luz Nwngzgan youq cujsizdaiz baiz daih’it naengh.

Hoz Vwnzhau、Fangz Lingzminj、Cinz Yizginh、Vangz Veizbingz、Cai Lisinh、Nungz Swnghvwnz、Couh Yigez, Swcigih Yinzda Cangzveijvei、Cwngfuj lingjdauj banhswj cwngz- yenz, Swcigih lizduiyouh cwng- swngjgiz dungzci geq, Swcigih Gau- gaep Fazyen、 Genjcazyen boux cuj- yau fucwz dungzci, gizyawz swngjgiz lingjdauj youq cujsizdaiz naengh.

Daihhoih doenggvaq le gij gezyi Cwnghez Gaiq Cibsam Gvangjsih Bouxcuengh Swcigih Veijyenzvei Baez Hoih Daihngeih mizgven cangzvu veijyenzvei gunghcoz baugau; doeng- gvaq le gij gezyi Cwnghez Gaiq Cibsam Gvangjsih Bouxcuengh Sw- cigih Veijyenzvei Baez Hoih Daih- ngeih mizgven daezanq gunghcoz cingzgvang; doenggvaq le gij baugau daezanq veijyenzvei mizgven Cwnghez Gaiq Cibsam Baez Hoih Daihngeih saemjcaz cingzgvang; doenggvaq le Swcigih Cwnghez bi 2024 doxyaeng dajveh; doenggvaq le gij gezyi cwngci Cwnghez Gaiq Cibsam Gvangjsih Bouxcuengh Swcigih Veijyenzvei Baez Hoih Daihngeih.

Sunh Daveij youq mwh gangjvah naeuz, baez hoih neix ndaej daengz Swcigih Dangjveij giengiengz lingj- dauj, ndaej daengz gak mizgven fuengmienh haenqrengz haeujcoengh, ginggvaq daengxcungq veijyenz caeuq gyoengq boux dungzci camgya hai hoih caezcaemh roengzrengz, gak hangh hong guh sat. Liuz Ningz suhgi youq aen hoih haimuq gangjvah, cungfaen haengjdingh gij hong bi hainduj Gaiq Cibsam Swcigih Cwng- hez, daezok maqmuengh caensaed, hawj raeuz sim raeujrubrub、saenqsim dem lai. Daengxcungq veijyenz nyinhcaen hagsib roxyiuj gij cingsaenz gangjvah youqgaenj Siz Ginbingz cungjsuhgi cazyawj Gvangjsih caeuq gij iugouz gangjvah Liuz Ningz suhgi, doxcaez naeuz aeu engqgya gagrox aeu swhsiengj caeuq hengzdoengh doengjit daengz gij gezcwz baijbouh Cungh- gung Cunghyangh caeuq gij iugouz Swcigih Dangjveij doiq hong cwnghez, doidoengh gij cingsaenz gangjvah youqgaenj Siz Ginbingz cungjsuhgi cazyawj Gvangjsih youq Betgveiq daihdeih doek deih raen rongh.

Sunh Daveij naeuz, bineix dwg Yinzminz Cwnghez laebbaenz 75 hopbi, raeuz aeu yaengxsang fangeiz hungmbwk sevei cujyiz miz daegsaek Cungguek, dingjmaenh aeu aen swhsiengj sevei cujyi miz daegsaek Cungguek seizdaih moq Siz Ginbingz guh dazyinx, haeujlaeg gvancez doeksaed gij fanghloz iugouz hung- naek Siz Ginbingz cungjsuhgi naeuz Gvangjsih, aeu couqmaenh gij eiqsik caezcaemh Cunghvaz Minzcuz guh sienqmeh, dingjmaenh dangj lingj- dauj、doengjit camhsienq、minzcuj doxyaeng giethab ndeindi, haenqrengz buekguh lwnhgangj gij cwzyin cwng- hez, guh ndei cizcwz yienh’ok gij dangrap cwnghez.

Sunh Daveij naeuz, laebdaeb baenaj dawz mbaqrap, caezhoz comz rengz laeb goeng moq, hawj raeuz engqgya gaenjndaet hopheux youq seiqhenz Cunghgung Cunghyangh aeu Siz Ginbingz dungzci guh goek, youq laj Swcigih Dangjveij giengiengz lingjdauj, geiqmaenh vahdaengq、gyo’mbaiq haenqguh, doxgiet buek- guh、haenqheiq baenaj, ok goengrengz goeg haenqrengz raiz bien faenzcieng Gvangjsih yiengh yendaiva Cung- guek.

(Vangz Cunhnanz daj 《Gvangjsih Yizbau》 aeu daeuj genj hoiz)