1 nyied 26 hauh banhaet, Gvangjsih Bouxcuengh Swcigih Gaiq Cibseiq Yinzminz Daibyauj Daihhoih Baez Hoih Daihngeih youq Gvangjsih Yinzminz Veidangz hai sat.

Aen daihhoih wnggai daengz daibyauj 693 boux, camgya aen hoih bixmuq daibyauj 659 boux, hab fap- dingh soqvunz.

Aen hoih bixmuq youz daihhoih cujsizdonz cangzvu cujsiz、caephengz cujsiz, Swcigih Dangjveij suhgi、Swcigih Yinzda Cangzveijvei cujyin Liuz Ningz cujciz.

Daihhoih caephengz cujsiz Fangh Cunhmingz、Cangh Yaujginh、Hoz Vwnzhau、Vangz Veijgingh、Luz Yen- benj、Yangz Cingvaz、Liuz Youj- mingz、Couh Gyahbinh youq cujsizdaiz baiz daih’it naengh.

Swcigih cujsiz Lanz Denhliz, Swcigih Cwnghez cujsiz Sunh Daveij, caeuq Swcigih lizduiyouh cwng- swngjgiz dungzci geq daengj youq cujsizdaiz naengh.

Daihhoih guh sat gak hangh hong le, Liuz Ningz gangjvah. De vixok, baez hoih neix yaengxsang fangeiz hungmbwk aen swhsiengj sevei cujyi miz daegsaek Cungguek seizdaih moq Siz Ginbingz, caezhoz comz rengz, gouz caen guh caen, rumz seuq heiq cingq, miz gij heiqfaenh ndei minzcuj、doxgiet、haigvangq、haenqguh, itdingh caenh’itbouh dungyenz caeuq gikcoi daengx gih gak cuz bouxminz, saenq- sim engq lai, gaenxmaenx bae hwnq- guh aen Gvangjsih maenghndei seiz- daih moq, youq mwh haenqrengz raiz bien faenzcieng Gvangjsih yiengh yendaiva Cungguek laeb goeng laeb nieb、loqsiengj baenz caen.

Liuz Ningz naeuz, Dangjcungh- yangh gig yawjnaek、gvansim hong Gvangjsih, Siz Ginbingz cungjsuhgi sim naemj Betgveiq daihdeih, gvansim Gvangjsih gak cuz bouxminz, bi’gvaq 12 nyied caenndang daeuj Gvangjsih cazyawj, yawjngonz gak cuz ganbu ginzcung, dingqaeu gij baugau guh- hong Swcigih Dangjveij caeuq Cwng- fuj caemhcaiq gangjvah, haengjdingh gij cingzcik Gvangjsih gak hangh hong aeundaej de, haenh Gvangjsih gak fuengmienh hong ndaej baenaj, gak fuengmienh hwngfat bienq yiengh moq, gienqmienx raeuz gejcuengq swhsiengj, cauhmoq gouz bienq, coh haij maeuz ak、haicuengq hwngfat, roengzrengz youq hwnqguh aen Gvangjsih maenghndei sevei cujyi miz daegsaek Cungguek seizdaih moq mboujduenh aeundaej baenaj moq, haenqrengz raiz bien faenzcieng Gvangjsih yiengh yendaiva Cungguek. Raeuz aeu laegdaeuq roxyiuj gij yiyi gietdingh “song aen dinghlaeb”, gag- rox demgiengz “seiq rox”、giendingh “seiq aen gagsaenq”、guh daengz “song aen henhoh”, haeujlaeg gvancez doeksaed gij fanghloz iugouz hung- naek Siz Ginbingz cungjsuhgi naeuz Gvangjsih, daezsang gizndwn cwngci、dawzcinj fuengyiengq cwngci、doek- saed cwngci iugouz, dingjmaenh aeu gij eiqsik caezcaemh Cunghvaz Minz- cuz guh diuz sienqmeh daengx gih gak hangh hong, haenqrengz hwnqguh aen Gvangjsih maenghndei mwnhoengh fouqmiz、doxgiet huzndei、haicuengq doxyungz、vwnzmingz fapceih、hab- youq souh gyaeu, baenz yamq baenz yamq aeu mbaw lamzdoz hungmbwk “bien faenzcieng Gvangjsih yiengh yendaiva Cungguek” Siz Ginbingz cungjsuhgi baijbouh de bienq baenz caen bae.

Bineix dwg Daengx Guek Yinz- minz Daibyauj Daihhoih laebbaenz 70 hopbi, Liuz Ningz daegbied gangj daengz, daengx gih gak gaep dangjveij aeu haeujlaeg doeksaed gij swhsiengj youqgaenj Siz Ginbingz cungjsuhgi mizgven dingjmaenh caeuq laebcaez aen cidu yinzminz daibyauj daihhoih, gyagiengz lingjdauj hong yinzda, doidoengh hong yinzda seizdaih moq hwngfat ndei saed.

Liuz Ningz daegbied gangj daengz, Gvangjsih ngoenzneix, miz yawhgeiz、miz doenghlig、miz daengz- cog, Dangjcunghyangh gig yawjnaek、guekgya haenqrengz haeujcoengh、ganbu saenqsim gyalai、aenbiengz hwngfat coh ndei, daengzcog maq- muengh ndei raeuh、seizgei ndei raeuh、baihnaj ndei raeuh. Daengx gih gwnz laj aeu engqgya gaenjndaet doxgiet youq henz Dangjcunghyangh aeu Siz Ginbingz dungzci guh goek, aeu aen swhsiengj sevei cujyi miz daegsaek Cungguek seizdaih moq Siz Ginbingz guh dazyinx, haeujlaeg gvancez doeksaed gij fanghloz iugouz Siz Ginbingz cungjsuhgi naeuz Gvangjsih, gejcuengq swhsiengj, cauhmoq gouz bienq, coh haij maeuz ak、haicuengq hwngfat, haenqrengz raiz bien faenzcieng Gvangjsih yiengh yendaiva Cungguek, hwnqguh aen Gvangjsih maenghndei seizdaih moq lai okrengz bangcoengh hwnqguh aen guekak、gij saehnieb minzcuz fuk- hwng, aeu cingzcik ndei angqhoh Cungguek moq laebbaenz 75 hopbi!

(Cinz Yizcwz Cinz Gyangz Liu Ciyungz daj 《Gvangjsih Yizbau》 aeu daeuj genj hoiz）