Bonjsaw dwg baengzyoux bouxvunz raeuz, hix dwg lingh boux lauxsae ndaw ciuhvunz raeuz, cijaeu ra ndaej gij “baengzyoux” roxnaeuz “lauxsae”habhoz, mwngz cij ndaej caeuq de doxgyau doxcoengh.

Daj iq, gou couh gig gyaez yawj gij saw gojlwgnyez, yawj daengz lumz gwn lumz ninz. Menhmenh dwk, seizneix gou gaenq 11 bi lo, gij saw gou gyaez yawj haenx yied daeuj yied lai, beijgangj naeuz:《Cenz Yozswnh: Bya Vanzhingz Gwnz Rongh- ndwen》《Cib Fanh Aen Vih Gijmaz》《Lajbyonghciuh Gig Bengz, Cingj Gaej Saisaengq》…… Gij saw gou yawj haenx yied daeuj yied lai, hoeng gou cijaeu yawj saw couh lumz gijwnq bae cungj mbouj ndei neix lij mbouj bienq gvaq.

Geiq ndaej miz baez ndeu, baez cuengqhag gou couhlumj raq rumz ndeu buet ma ranz, ngamq haeuj rug cuengq daehsaw ndei couh ganjgip hai bonjsaw miz yinxdaeuz haenx doeg hwnjdaeuj, gou cingq simhai dwk yawjsaw, sawqmwh daxmeh sing gip hemq:“Dahsau ha, vaiq di aeu aen makyungz ndeu hawj gou, byaek yaek remj lo!” Hoeng gou lij maez youq ndaw saw, gij vah daxmeh couh lumj raq rumz gvaq henz rwz nei biu gvaq couh liux. Gvaq le faen cung ndeu, song faen cung…… Gou lij mbouj cak, daxmeh sawqmwh hozndat dwk byaij daengz bakdou rug gou hat:“Gou hemq mwngz dawz aen makyungz ndeu daeuj, mwngz mbouj dingqnyi ma?” Dingq- daengz gij sing lumj byajraez nei, gou cij ndiu gvaqdaeuj, gaz- dwddwd gangj:“Daxmeh…… doiq mbouj gvaq…… gou…… gou…… gou mbouj dingqnyi.”

Daxmeh doiq gou mboujmiz banhfap, gangjnaeuz:“Mwngz dah- lwg neix, couh mbouj ndaej yaep ndeu mbouj yawjsaw ma?” Gou sikhaek singsang dwk gangj:“Mwngz nanzdauh mbouj dingq gvaq coenzgangj ‘ngoenz ndeu mbouj doegsaw cib ngoenz hoengq’ma?” Daxmeh dingq le sing naiq dwk gangj:“Ndei! Ndei! Ndei! Mwngz doeg gij saw mwngz ba! Caen dwg mbouj miz yw gouq ndaej mwngz lo.”

Bonjsaw dwg aen daeng rongh ndeu, ciuq rongh diuzloh byaij daengz baenzgoeng haenx; bonj- saw, dwg fag yaekseiz ndeu, dajhai faq dou hung coengmingz; bonj- saw, dwg aen yijcou fouzbien ndeu, yinx gou bae damq gij geizmiuq ndawde. Doegsaw, couh lumj caeuq baenz cien gvaq fanh boux okmingz gap baengzyoux, couh lumj caeuq bouxlaux ciuhgeq doiqvah, hawj bouxvunz youq ndaw diegsa gvangqyubyub haenx ra ndaej raen diuzloh dauqma. Hawj raeuz itheij gyaez doegsaw、yawjsaw ba!

书是人类一生的朋友，也是一生的另一个老师，只要找到志同道合的“朋友”或“老师”，你才能与它随心所欲地交流。

从小，我就很喜欢看那些童话故事书，看得忘了吃饭，忘了睡觉。渐渐地，我现在11岁了，喜欢看的书越来越多，例如：《钱学森：月亮上的环形山》《十万个为什么》《余生很贵，请勿浪费》……虽然看的书越来越多，但是我只要看书就会忘了其他事的缺点还是一往如常。

记得有一次，一放学我就像一阵风似地跑回家，刚进卧室放下书包就立刻迫不及待地打开一本书津津有味地读了起来，我正看得入迷，突然传来妈妈一阵急切的声音“宝贝儿，快！快给我拿个番茄，菜要糊了!”但我仍沉迷在书的世界里，妈妈的话就像耳边风。过了一分钟，两分钟……我仍然没动静，妈妈顿时怒气冲冲地走到卧室门口大声地说：“我叫你拿番茄，你没听见吗？”听到这震耳欲聋的声音，我立马从书的世界里醒来，吞吞吐吐地说：“妈妈……对不起……我……我没……听见。”

妈妈拿我没辙，说：“你这孩子，就不能少一会不看书吗？”我立刻理直气壮地说：“妈妈，难道你没听说过‘一日不读十日空’吗？”妈妈听了叹气说：“好！好！好！你读你的书吧!真是无药可救。”

书，是一盏明灯，照亮成功之路；书，是一把钥匙，开启智慧的大门；书，是无垠的宇宙，让我探索其中的奥妙。读书，如同与成千上万的名人交流，如同与睿智的老师对话，能让人在茫茫沙漠中找到方向。让我们一起爱上阅读吧！

（lauxsae sonyinx:Lij Siujlij/指导老师：李小里）