Gou doeg gvaq haujlai saw, hoeng gou ceiq gyaez doeg bonj saw dwg 《Youz Baihsae》.

Bonj saw neix dwg seiq bonj sawgeq okmingz guek raeuz ndawde bonj ndeu. Cujyau dwg gangj aen goj saefouh Dangzswngh caeuq lwgsae Sunh Vugungh daengj seiq boux, ginggvaq gouj gouj bet cib it nanh, bae Baihsae aeu ging. Ndawde miz haujlai goj mbouj doengz, moix baez gou raen daengz“Sunh Vugungh Daihnauh Diengoeng”“Caeg Gwn Mak Yinzsinh”“Sam Baez Ciq Mbawbeiz” gij cingzciet neix seiz, gou cungj deng gij gojgaeq cingzciet sengdoengh, gij vunz caenlili ndawde maezyinx. Gou yaep ndeu riuhaha, yaep ndeu heiq hwnjfwngfwng, mizseiz caemhcaiq siengj swhgeij bienq baenz Sunh Vugungh bae gienq boux saefouh moengjdoengj de.

Bonj saw neix son hawj gou rox: Mboujlwnh guh gijmaz saeh, cungjaeu miz naihsim. Youq hagsib ndawde, mboujlwnh bungz daengz geijlai gunnanz, cungj aeu naemj banhfap gaijgez ndei. Couh lumj “Sam Baez Ciq Mbawbeiz” ndawde seiq boux de aeu gvaq goengq byafeiz dawzyubyub seiz, aenvih gwnz bya gij feiz saedcaih daiq hung lo, ndigah Sunh Vugungh dingjgeng laebdaeb bae ciq Dezsan gunghcuj aeu mbawbeiz, hoeng moix baez cungj deng Dezsan gunghcuj gyaepdeuz lo. Sunh Vugungh mboujlau fanz, itcig bae cam aeu mbawbeiz, doeklaeng gunghcuj deng gij cingsaenz de gamjdoengh lo, Sunh Vugungh ciq ndaej mbawbeiz lo. Seiq boux de hix ndaej ancienz dwk doenggvaq byafeiz lo.

Youq ndaw ndwenngoenz, gou hix nyangz gvaq gunnanz. Gou sij suyoz cozyez seiz, bungz daengz le nanzdaez, yungh haujlai cungj fuengfap cungj gej mbouj okdaeuj, dangseiz gou naemj:“Gawqyienz naemj mbouj ok, couh mbouj leixlangh de lo.” Hoeng ndaw uk youh siengj daengz aen goj Sunh Vugungh. Gou sim naemj: Bungz daengz gunnanz aeu naemj banhfap gaijgez cij ndaej. Doeklaeng gou youh naemj ok le lingh aen banhfap, ceiq doeklaeng dauqdaej guh deng lo, yienzlaiz aeu hoenxhingz gunnanz mbouj nanz ya!

Vunzlaux cungj gangj:“Doegsaw gvaq fanh bonj, roengz bit cix miz saenz.” Daengz seizneix,《Youz Baihsae》bonj saw neix gou lij yo ndaej lumj saw moq nei, mbouj nyaenx gveng bae, cingq dwg bonj saw neix, hawj gou engq gyaez saw lo, hix dwg aenvih bonj saw neix hawj gou gyaez doegsaw、yawjsaw.

我读过很多书，但是我最喜欢的是《西游记》这本书。

这本书是我国四大名著之一。书里主要讲的是唐僧和孙悟空等师徒四人，历经九九八十一难，去西天取经的故事。故事有很多情节，每当我看到“大闹天宫”“偷吃人参果”“三借芭蕉扇”等情节的时候，我完全被生动的故事情节、形象的人物描写所吸引。我一会儿大笑，一会儿生气，有时候真想自己变成孙悟空去说服那个糊涂的师傅。

这本书给我最大的启发是：无论做什么事情，都要有恒心，在学习中，无论遇到多大的困难，都要想办法克服。就像“三借芭蕉扇”中唐僧师徒四人要过熊熊的火焰山时，因为山上的火实在太大了，于是孙悟空就去问铁扇公主借芭蕉扇，可每次都被铁扇公主无情地拒绝了，孙悟空坚持不懈地向铁扇公主借芭蕉扇，最后铁扇公主被他的精神打动了！后来，铁扇公主把芭蕉扇借给了孙悟空，师徒四人成功越过了火焰山。

在现实生活中，我也有过这样的困难。我在写数学作业的时候遇到了难题，一道很难的题目，连续试了好几种方法都无法解题，我心想还是别做了，实在不行等明天再去学校问老师或同学吧。这时，我脑海中浮现出孙悟空坚持不懈的故事情节。我心想：遇到困难时，要想办法去克服。于是我又试了另一种方法，最终得到了正确的答案，原来克服困难并不是那么难啊！

古人常说：“读书破万卷，下笔如有神。”至今，《西游记》这本书仍被我好好地保存着，不舍得扔掉，正是这本书让我对书的认识更加深了一步，也正是这本书让我开始爱上了读书，爱上了阅读。

（lauxsae sonyinx: Luz Dunghginz/陆冬群）